ميار الببلاوي: بعتب على النقابة.. المفروض يبقى فيه عدالة في توزيع الأدوار

وجهت الفنانة والإعلامية ميار الببلاوي رسالة عتاب لنقابة المهن التمثيلية برئاسة الدكتور أشرف زكي، وذلك بسبب عدم وجود عدالة في توزيع الأدوار.

تحيا مصر يرصد رسالة ميار الببلاوي للنقابة.

رسالة ميار الببلاوي للنقابة

وقالت ميار الببلاوي في تصريح خاص لموقع تحيا مصر: بعتب على النقابة المفروض يبقى فيه عدالة في توزيع الأدوار.. نفسي يكون في لجنة في النقابة تعمل عدالة في توزيع الأدوار ويبقى في حد للوقت اللي يقعد فيه الفنان من غير شغل وحد كمان لعدد الادوار اللي بيعملها الفنان خلال السنة منلقيش فنان بيشتغل في 100 لدرجة أن الجمهور بيمل منه.

ميار الببلاوي تعتب على نقابة المهن التمثيلية 

وتابعت: بنلاقي فنانين بيعملوا مشاريع قهوة وشاي عشان مش لاقيين شغل ودي حاجة متصحش.

من جانبه، كانت كتبت ميار الببلاوي عبر حسابها الرسمي بموقع التواصل الاجتماعي فيسبوك عن أزمة وفاء مكي: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

وتابعت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

تصريحات ميار الببلاوي 

وأضافت: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.