تافهة.. ريهام تطلب الخلع: مش عايز يجيب لي بخور وهو راجع
ADVERTISEMENT
هو مش بخيل بس شايف أن طلباتي كلها تافهة وحاجت أوفر.. بهذه الكلمات بدأت ريهام حديثها عن زوجها، الذي قررت رفع قضية خلع منه بمحكمة الأسرة في مصر الجديدة بعد زواج استمر لمدة 8 سنوات، على الرغم من أن لها منه طفلين.
ريهام تطلب الخلع من زوجها
وسردت ريهام قصتها مع زوجها تفصيليا قائلة «أنا عندي 38 سنة، ومن 10 سنين فاتت كان عمري في نهاية العشرينات ومكنتش حابة إني أشتغل لأني وحيدة والدي ووالدتي، وفضلت قاعدة وحسيت أن العمر بيجري بيا، وكنت قولت لـ نفسي أي حد هيجي هتجوزه وهوافق عليه، وكنت بقول أنا عايز أتجوز زي أي بنت وخلاص ومفكرتش خالص في الحب».
وتابعت ريهام قائلة «وأنا عندي 28 سنة أتقدم شاب أكبر مني بـ شهر واحد أسمه عبدالله وطلبني للجواز، وأنا طبعا كنت مستغربة، ساعتها قولت له في التليفون أنت تعرفني منين، قالي أنا جبت رقمك من واحدة صاحبتك ومش هتكلم كتير واللعب ده أنا عايز أجي أتقدم لك في البيت، وقولت له أفكر وأشوف أسرتي وقفلت معاه».
ريهام: شايف كل طلباتي تافهة
وأضافت ريهام عن قصتها مع زوجها «كلمت بابا وقولت له واحدة صاحبتي جايبة لي عريس وقالي خلاص هستناه أخر الأسبوع ونشوفه، وفعلا عبدالله جه وقعد مع أهلي واتفق على كل حاجة وقالهم أنه عايز واحدة متربية ومتعلمة وأنه سأل واحدة صاحبتي وقالت له ريهام من أسرة ومحترمة جدا».
وأكملت ريهام «اتفقنا على كل تفاصيل الجواز، وفي خلال سنة وكام شهر كنا متجوزين واللي طول فترة الخطوبة أن حصل حالة وفاة في أسرة عبدالله، وبعد ما أتجوزنا بـ 3 سنين عبدالله جاله عقد عمل في الخارج وفعلا سافر، وبقى يروح 5 شهور وينزل شهر».
ريهام: طلبت الخلع عشان بخور
وأختتمت ريهام قائلة «في الفترة الأخيرة وتحديدا أخر 3 سنين كنت بتصل بـ عبدالله وهو بره مصر وأطلب منه شوية حاجات وأقوله على حاجات في البيت أو حاجات ليا يقولي دي حاجات تافهة وأنا مش هشيلها معايا من بره، وأخر مرة لما طلبت منه بخور رفض يبعتلي، وساعتها قولت له أنتي ليه شايفني تافهة قالي مش تافهة بس أنا المكانة اللي انا فيها ماتسمحش إني أشيل الحاجات دي، واتخانقت معاه وفضلنا شهرين مش بنتكلم وبعدها روحت رفعت عليه قضية خلع».
جوجل نيوز
تطبيق نبض
