البلوجر عمرو راضي يحتفل بزفافه على هدير النحاس

يحتفل البلوجر عمرو راضي بحفل زفافه على البلوجر هدير النحاس، اليوم الثلاثاء الموافق 1 أغسطس، حيث خطفت الأخيرة الأنظار بإطلالة تشبه الأميرات.

تحيا مصر يرصد احتفال عمرو راضي بحفل زفافه.

عمرو راضي يتصدر التريند بسبب خطوبته

وكان تصدر البلوجر عمرو راضي مؤشرات البحث بعد احتفاله بحفل خطوبته من البلوجر هدير النحاس.

أثار عمرو راضي و خطيبته هدير النحاس جدلا واسعا على السوشيال ميديا، بعدما إقامتهما حفل خطوبة شعبي ظهر العريس و العروسة بملابس تتناسب مع الأجواء الشعبية .

ظهرت البلوجر هدير النحاس في حفل خطوبتها بعباءة سوداء و نسقت معها فستان باللون الذهبي و طرحة باللون الأسود أيضا.

لم تقتصر اثارة الجدل على العريس و العروسة فقط بينما تألق عدد كبير من البلوجرز و المشاهير بملابس غير تقليدية.

رد عمرو راضي على انتقادات خطوبته

وردّ عمرو راضي، على تلك الانتقادات عبر حسابه الشخصي على إنستجرام قائلًا: شكرًا من كل قلبي على كل المشاعر الحلوة اللي وصلتني منكم.. مبسوط من قلبي إنكوا شاركتوني ده.. طبعًا بعد 10 سنين على السوشيال ميديا.. شوفت فيها كل حاجة حرفيًا.. كان متوقع جدا ناس تطلع تغلط فينا ويزايدوا.. أنا بشكرهم على مجهودهم.

وتابع راضي: ناس فاكرة نفسها أكثر منا احترامًا وأدبًا وبيفهموا في الأصول أكتر مننا.. ومعرفش بيحكموا علينا من إيه وناسيين إننا بنوريهم وبسس اللي عايزين نوريهولهم.. يعني أنا والبنت اللي بحبها نعرف بعض سنة.. ملناش صورة واحدة نزلت.. حفاظًا مني عليها وبحكم إن الناس عارفاني أربط اسمها باسمي إلا لو في حاجة رسمية.

وردًا على الصورة المنتشرة قال عمرو: تطلعونا مش رجالة ورايح أخطب ex أنتيم عمري 15 سنة، عشان كومنت بنهزر فيه على نكتة بينا وبين صاحبنا.. عشان عشت مع أنتيم عمري كله وجت هيا خدتنا من بعض. 

رسالة عمرو راضي للبلوجر هدير النحاس

وكتب عمرو راضي عبر خاصية استوري بحسابه الرسمي عبر موقع تبادل الصور والفيديوهات القصيرة إنستجرام: كنت مخبيكي في قلبي زي الطفل اللي جاتله هدية..النهاردة أنا أسعد إنسان في الكون، اول مرة في حياتي من أول ما بقيت مسؤول عن نفسي ولیا کیان وشخصية واهتمامات ومسؤولية.. أنسى العالم كله وأنسى أنا مطلوب مني إيه ورايح فين وجاي منين.. لمجرد باصص في عنيكي همومي ومشاكلي وكل حاجة وقعت قدامك.

وأضاف: كلامي مش مترتب زي أول مرة شفتك فيها صدفة.. حالة من السكون.. مش سامع فيها غير صوت قلبي، دي اللي بحلم بيها، أنا فاكر كل تفصيلة.. عيونك.. ضحكتك.. كسوفك.. وجاي النهاردة أقولك بحبك، بحبك أوي والله، وعايز أغرقك حب الدنيا كله، ياريت أشوف الدنيا كلها زي ما شايفها ف عينك كده، حلوة وأيوا إنتي أحلى واحدة شافتها عيني.