محمود العسيلي: هنزل أغنية كل أسبوع.. وهكون مختلف وخطير جدًا

كشف المطرب محمود العسيلي عن أسماء أعماله الغنائية الجديدة، التي من المنتظر طرحها خلال موسم الصيف الحالي، مؤكدًا على أنه سيطرح أغنية واحدة كل أسبوع.

تحيا مصر يرصد تفاصيل أحدث منشورات محمود العسيلي عبر إنستجرام

أعمال محمود العسيلي القادمة

ونشر محمود العسيلي مقطع فيديو عبر حسابه الشخصي على موقع تبادل الصور والفيديوهات إنستجرام، قال فيه: مساء الفل عليكم، أنا عارف أني متأخر عليكم شوية، بس بوعدكم يا جماعة أن من الأسبوع دا، كل أسبوع أغنية، هقولكم أسامي الأغاني.

وتابع: بس أنا بصراحة مش عارف هنزل ايه الأول، بايظة، إوعى، الكل عليك بينم، مين كان يصدق، عايز أقولكم يا جماعة أن دي باقة اسمها باقة عسيلي في الصيف، عسيلي هيكون مختلف جدًا، خطير جدًا، رهيب جدًا.

أبرز تصريحات محمود العسيلي في جوسيبس

وسبق وأن حل المطرب محمود العسيلي ضيفًا على برنامج جوسيبس، الذي يذاع عبر منصات مواقع التواصل الاجتماعي المختلفة، وأثناء الحلقة كشف العسيلي الكثير من الأمور التي تخص حياته الشخصية والفنية، ومن أبرز تصريحاته:

• مش هروح مدينة فيينا تاني، لأن الشيشة فيها بتخلص الساعة 12 بليل
• ودا يخليني مكملش في البلد دي خالص، لأني بعد العشا لازم أشرب شيشة
• مستحيل أزرع شعر أو أحط باروكة
• أنا عاجبني شكلي كدا، شكلي وأنا بشعر كان غريب جداً
• وارتحت جدًا لما طار ومش عايزه يرجع تاني أبدا
• صحابي البنات بيقولولي يا عسولتي
• مش بحب الرمرمة في الأكل ومش باكل فول غير من على العربية
• أنا وشيكو في سلوفينيا دخلنا طلبنا المطعم كله وخلصنا الأكل
• أنا لساني مش طويل، أنا صريح ومش بحب الحال المايل
• مش بحب أجامل لأن المجاملة بتضر
• أنا بحب أكون سعيد عشان كدا اتجوزت 3 مرات
• والقلب بيحب كتير وعلى طول
• لما تقول للست مالك وتقولك مفيش قولها أوكيه
• أنا مقدرش على زعل بشرى بس هي كمان مش بتسأل عليا أنا اللي زعلان منها
• شيكو عصبي جدا، وهشام ماجد ملتزم أوي بمواعيده
• أنا مش قموص و مش ملزق في الرومانسية