طليقتي سادية.. أحمد يستغيث: كانت بتشتمني وضربتني هي وأهلها | فيديو

استغاث الشاب أحمد محمود من المرج، بالمسؤولين من تهديد أخوات طليقته عليه بسبب تهديدهم المستمر له، قائلا «أنا عايش في المؤسسة وحصل الزواج بعد ما واحدة جارتنا جابتلنا عروسة وأنا مكنتش أعرفها عشان كانوا قاعدين في المساكن، وحصل الزواح في شهرين».

أبويا خلف مني عيل.. هبة تروي مأساة مع أزواجها الأربعة | فيديو

مش همشي إلا لما أقتل وأدبح.. أسرة عطية العربي تكشف تفاصيل مقتل إبنهم | فيديو

مأساة أحمد مع طليقته

وأضاف أحمد لـ تحيا مصر «بعد الزواج بدأت تشتمني وتعتدي عليا بالضرب، كانت عصبية جدا ورفعت عليا السكينة، وخنقتني من رقبتي وضوافرها دخلت في رقبتي".
وأوضح"أهلها جوزوهالي وهم عارفين أنها عندها مشكلة صحية، وكانوا بيقوها عليا، ولما أشتكيت لوالدها قالي لو ماكنش عاجبك طلقها وأديها 20 ألف وكل حاجتها، فقلتله طيب أنا بشتكيلك من تصرفاتها يعني عادي، قالي لو مكنش عاجبك طلقها".

أحمد: كانت بتشتمني وبتضربني

وتابع أحمد قائلا «بعد ما ولدت مشيت، وشهدت الناس عليها وجم خدوا حاجتها، وكان فيه اتفاق إني أدفع لبنتي مبلغ بسيط كل شهر وأشوفها، لكن مش بشوفها، عشان أول شهر روحت عشان أدفع الفلوس الي اتفقنا عليها يوم الطلاق راح أبوها وأخوها نازلين عليا بالضرب، وواحد تاني بالسنجة، وأبوها خبطني على دماغي ودراعي بالماسورة وكسرلي عضمة الدراع بعدما وقعوني في الأرض، وبقالي سنتين ماشوفتش بنتي وكل شوية يهددوني».

أحمد يستغيث من أسرة طليقته

وأكمل أحمد في قصته مع زوجته «قمت بعمل تحرير محضر في قسم المرج، وروحت المستشفى، وتم عرضي على الطب الشرعي، وأثبت أن هناك عاهة وقطع بتر، وأصبحت عاطل عن العمل لأن كل ماروح شغل ماقدرش أشيل حاجة بسبب دراعي، بعد ما حصل عجز بنسبة 10%».

ولفت أحمد "أخواتها كل شوية يتعرضولنا في المنطقة اللي عايشين فيها ويبعتولنا رسايل تهديد، وخصوصا بعد إحالة المحضر لمحكمة الجنايات"، مشيرا إلى أن زواجهما لم يستمر سوي 10 أشهر أو 11 شهر.

واستغاث الشاب بالنيابة العامة والمسؤولين من تهديد أخواتها قائلا:"عايز حقي سيادة النائب، وعايز أشوف بنتي اللي محلروم منها بقالي سنتين، احنا ناس على قد حالنا ومش بتوع مشاكل، وأنا كنت عايز استقر في الزواج وربنا يعلم أني كونت وبنيت نفسي بصعوبة عشان استقر ومكنش عندي أي نية في إني أطلق".