أبويا خلف مني عيل.. هبة تروي مأساة مع أزواجها الأربعة | فيديو

واقعة مأساوية تعرضت لها هبة.. فهي سيدة بالغة من العمر 41 عاما، تركتها والدتها وهي في سن الرابعة، حيث أشعلت النيران في نفسها جراء خلاف مع والدها وتوفيت وهي في سن الـ 19، وتركت هبة وهي 4 سنوات، وخلال هذه السنوات تعرضت هبة لمأساة. 

مش همشي إلا لما أقتل وأدبح.. أسرة عطية العربي تكشف تفاصيل مقتل إبنهم | فيديو

أنا قتلت مراتي.. ميكانيكي يطعن زوجته بغرفة النوم في سوهاج ويسلم نفسه

مأساة هبة مع والدها وأزواجها

روت السيدة هبة من معاناتها منذ طفولتها مع والدها وأزواجها الذين تزوجتهم على مدار حياتها، قائلة «أمي سابتني وأنا عندي 4 سنين وحرقت نفسها عشان أبويا، قالتله هاتلي جلابية، ماتت وهي عندها 19 سنة».

وتحدثت هبة عن واقعة أعتداء والدها عليها لـ تحيا مصر قائلة«اعتدى عليا وأنا عندي 11 سنة وراحوا جوزوني عشان يتستروا عليا، وبعدين أطلقت منه عشان هم فلاحين وأنا مقدرتش أعيش معاهم وأنا بنت صغيره، ورجعت عشت مع أهلي تاني واتعرفت على والد منى ومصطفى، وبعدين اتجوزنا، وخدعني قالي أنا أمي من السعودية، وكل الكلام ده كذب، طلعت أمه محبوسة وتجار مخدرات، استحملت عشان منى ومصطفي، لأن حبيت أشيل عيل بدل اللي أترمى».

هبة تروي مأساتها مع والدها

وتابعت هبة «بعد جوزي ماتحبس وأخد 15 سنة، أتمنيت ربنا يخلصني منه، لكنه بعد ماخرج قتل بنتي، راحت تشوفه بحكم العاطفة ولما راحت، اتصلت بيا وقالتلي أبويا مجهزلك بنزين ومية نار متجيش، وعشان فديتني راح رماها من الدور الـ8، ورفضت الرجوع له بعد ما خرج من السجن بعد 15 سنة».

وأكملت هبة "فقدت عيني بسبب أخو جوزي، رش عليا مية نار عشان مرضتش أتجوزه، جه زارني عشان يشوف أولاد أخوه، ولما دخلت الأوضه عند جوزي وطلعت لقيته مشي، لما كلمته في التليفون قلتله ليه مشيت قالي ماستحملتش أشوفك مع راج تاني، ولما نزلت أشتري طلبات وماشية في الشارع أنا وواحدة لقيته قاعد في الشارع ومغطي وشه، لما سألته قاعد ليه قالي مفيش مشيت شوية نادي عليت ولما بصيت لورا رش عليا مية نار، محستش بنفسي غير المستشفى".

هبة: تزوجت 4 مرات وكنت بدور على حد يحتويني

وأكملت "تزوجت 4 مرات عشان كنت بدور على حد يحتويني ويسترني وأكل وأشرب وأنام، أنا اللي كنت بصرف عليهم، وبقول مفيهاش حاجة لما أساعد جوزي، لكن كلهم دمروني بسبب إن أهلي محدش وقف جنبي منهم، أهل أمي شغلوني خدامة وكانوا بيدوني الأكل حمضان لأولادي".

ولفتت "أبويا ربنا عاقبة وعنده جلطتين، وأول جلطة أخدته رحت بيه المستشفى، قالي سامحيني قلتله سامحتك، ولما بنتي ماتت جاتله الجلطة التانية، عمره ما ساعدني لما كنت أروحله أنا وعيالي يقولي خديهم وامشي أنا هصرف على عيال الناس".

وعن الطفل الذي نتج عن أعتداء ابيها عليها قالت:"مش عارفة هو أبني ولا أخويا، أنا بقول عليه حتة لحمة شلتها في بطني، حاولت أسأل عليه بعد ماطلع في فيديو يطالب أنه يكون ليه بطاقة عشان يقدر يخطب، عشان عمتي وجدتي رموه بعد ماتولد بجانب ملجأ في المعادي".

وطالبت السيدة هبه أن يكون لديها مكان يأويها، موضحة:"مش عاوزة غير أوضة أنام فيها، وشهادة إعاقة امشي بيها، لأني مبقتش قادرة أشتغل من بعد ما بنتي ماتت".