أول رد من حسن شاكوش على اتهامات طليقته ريم طارق| تفاصيل

حرص المطرب الشعبي حسن شاكوش الرد على اتهامات طليقته ريم طارق، التي كشفت عنها خلال حلولها ضيفة على برنامج 90 دقيقة مع الإعلامية بسمة وهبة.

تحيا مصر يرصد تفاصيل رد حسن شاكوش على طليقته

رد حسن شاكوش على طليقته

وقال حسن شاكوش في مقطع فيديو نشره عبر حسابه الشخصي على موقع التواصل الاجتماعي فيسبوك: أنا كنت ساكت كتير، وأنا عمري في حياتي ولا جبت سيرة بنت ولا غلطت في حق بنت لأني عارف يعني ايه المرأة المصرية، وعارف يعني ايه شرف المرأة المصرية، وزي ما المرأة ليها شرف وكرامة بردو الرجل ليه شرف وكرامة وسمعته، وأنتو عارفين أن شغلنا كله قايم على سمعتنا.

وتابع: أنا بعمل أغاني للبنات وللمجتمع بتاعي ولجمهوري وللناس اللي بتحبني، كل الناس اللي بتسمعني ناس محترمة وليهم كل التحية والتقدير ومينفعش أجيب سيرة أي واحدة في أي وحش، دا اللي أنا اتربيت عليه.

حسن شاكوش: برامج مصر كلها كانت عايزاني اطلع اتكلم ومرضيتش

واضاف: أنا من منطقة شعبية وراجل صعيدي، ومتكلمتش طول الفترة دي مش عشان خوف ولا ضعف، عشان الإنسانة دي كانت في يوم من الأيام مراتي، وكنت بقول لأهلي محدش يتكلم.. أنا طول الفترة اللي فاتت كنت في ضغط عصبي وكنت بنزل شغلي في عز الضغوطات.

واستكمل: الراجل اللي عنده شرف وكرامة مش هيطلع يتكلم، وأنتو يا جماعة لازم تسمعوا من الطرفين، واللي أنا كنت عايز اتكلم فيه ومنعت، برامج مصر كلها كانت عايزاني اطلع اتكلم ومرضيتش اتكلم في عرضي، وعلى إنسانة كانت في يوم مراتي، والكلام اللي الواحد سمعه دا ميرضيتش ربنا، واللي أنا كنت عايز اتكلم فيه طليقها طلع اتكلم فيه.

تصريحات ريم طارق الأخيرة

وسبق وأن أكدت ريم طارق، طليقة المطرب الشعبي حسن شاكوش، على أن أحد أسباب طلاقها من “شاكوش” هو علاقته بـ فنانة مشهورة تعاني من أزمة صحية.

وقالت ريم طارق خلال لقاء لها ببرنامج 90 دقيقة مع الإعلامية بسمة وهبة: حسن شاكوش كان على علاقة مع فنانة مشهورة عندها مشكلة صحية في رمضان.. وقفت مع حسن شاكوش بكل الطرق وخليته يصلي في اخر فترة رغم أن ده كان مستحيل.