بنتكم عايشة معايا في الحرام.. مأساة زوجة: قال لـ خالتي تحرم عليا زي أمي وأختي|فيديو

مأساة زوجة في العقد الرابع من عمرها مع زوجها بعد زواج إستمر قرابة 20 عام، إلا أنه قام بتطليقها في النهاية بعدما تحدث مع خالتها قائلا لها «تحرم عليا زي أمي وأختي».

بيجيب رجالة ويقولي إبسطيهم.. مشردة المنيب تروى مأساة مع زوجها | فيديو

فتح لها بطنها 100 غرزة.. مأساة سيدة الغربية على يد شقيقها: الجرح اللي في قلبي مش هيلم|فيديو

زوجة تسرد مأساة على يد زوجها

قصة الزوجة الثلاثينية بدأت قبل سنوات، حيث تزوجت من زوجها قبل 20 عام، وأنجبت منه فتاة بالغة من العمر 14 عام، وطفل في سن السابعة، وكانت الخلافات الزوجية لا تفارق ذلك المنزل على حد قول السيدة، حيث كان كثيرا ما يعتدي عليها ويسبها ثم يلقى عليها يمين الطلاق ويعود إلى أسرتها حتى يقوم بالتصالح معها ويعيدها المنزل من جديد.

زوجة: قال لأهلي بنتكم عايشة في الحرام

إلا أن نهاية الزوجة كانت مأساوية حيث قرر تطليقها طلقة نهائية.. وسردت الزوجة لـ تحيا مصر قائلة «أنا متجوزة من 20 سنة وعندي بنت 14 سنة وطفل 7 سنين، ومن زمان بيني وبين جوزي مشاكل كتير، وكان كل مرة يرمي عليا اليمين وبعدين يرجع يصالحني في بيت أهلي، لكن أخر مرة دي كانت النهاية لما قال لخالتي في التليفون تحرم عليا زي أمي وأختي».

وقالت الزوجة «اتخانقت مع جوزي من فترة، والخناقة كانت كبيرة وتركت المنزل ومشيت، بس هو كلم خالي وقاله هي أصلا عايشة معايا في الحرام من زمان وأنا مطلقها، وكلم خالتي وقالها تحرم عليا زي أمي وأختي بنتكم طالق ومش عايز أشوفها تاني، وشتمني بأبشع الألفاظ».

زوجة: شتمني بأبشع الألفاظ وطلقني كتير

وتابعت الزوجة «بعد كدة بنتي كلمتني قالتلي عايزة أجي أعيش معاكي يا أمي، وجت فعلا عشان تعيش معايا لكن إبني فضلت سنة مش عارفة عنه حاجة، وقولت أروح أشوفه لما روحت المدرسة ملقتهوش بيروح، روحت على البيت عند جوزي وقولت له نزلي إبني، قالي مفيش عيال هنا وأمشي، ونزل ومشاني، وبعدها روحت لوالدته وقولتلها أنا عايز إبني، وأخدته».

وأختتمت الزوجة قائلة «وعملت محضر في جوزي وهو عمل فيا محضر وأتحبسنا يوم وأتعرضنا على النيابة، وبعدها روحت عملت قضية تمكين ولما روحت أنفذ القرار لقيت ناس عايشة في الشقة، ورجعنا للمحامي العام وقال إستمرار التنفيذ، ودلوقتي نفذت حكم التمكين من الشقة».