بعد تحقيقها 120 مليون مشاهدة.. عمرو مصطفى يحذف أغنية يمكن خير من يوتيوب

حذف الفنان عمرو مصطفى أغنية يمكن خير للمطرب رامي صبري، عبر موقع الفيديوهات العالمي يوتيوب، بعد نشوب عدة خلافات بينهما حول لحن الأغنية.

تحيا مصر يرصد تفاصيل حذف أغنية يمكن خير

عمرو مصطفى يتهم رامي صبري بالسرقة

وكان قد اتهم الفنان عمرو مصطفى الفنان رامي صبري بسرقة لحن أغنيته رقصة، وذلك خلال استضافته في برنامج حبر سري وقال: أنا سبت أغنية يمكن خير لرامي صبري بمزاجي ولو عايز أشيله الأغنية من اليوتيوب هشيلها وهي  نجحت عشان هي بتاعتي.

وأضاف: هو كلمني وقالي معلش عشان خاطري شكلي مش حلو وقالي أي كلام في أي حاجة وأنا عديتها بمزاجي وهي أغنيتي وأنا سبتهاله بمزاجي ولو هو كان زود كنت هوقفه وبتاعتي نازله على اليوتيوب من سنين.

ووجه حديثه لرامي صبري قائلًا: انت سرقت لحن أغنيتي رقصة وعملت بيها أغنية يمكن خير وعايزك تثبت أن أنت عاملها من 2009 زي ما قولت.

رد رامي صبري على عمرو مصطفى

وفي نفس السياق قال رامي صبري: أنا عامل أغنية يمكن خير في سنة 2013 بعد الثورة، وهي لحد من أسبوعين كانت رقم 1 قعدت 4 شهور رقم واحد .

وتابع: مش رامي صبري اللي يسرق لحن ولو هو يعرفني كويس مش هيتهمني الاتهام ده وممكن يكون فيه توارد أفكار وفيه 10 ألحان ممكن يكون فيهم جملة شبه التانية.

كلمات أغنية يمكن خير

وجاءت أغنية يمكن خير من كلمات أحمد علي موسى، ألحان رامي صبري، وتوزيع ومكس وماستر طارق توكل، وتقول كلماتها: “ولا وقته اننا نتحاسب ولا وقته إني ألوم ولا اعاتب إيه إيه هيفيد على اد ماقلبي وجعني وانا شايفك جاي تودعني و ماشي ماشي بعيد يمكن خير ومين يندم على اللي يبيع سنين ويهد أحلامه في يومين ويبيع اوام هنساك”.

“واعيش واهو حب راح وخلاص مفيش لهواك مكان ميهمنيش خلص الكلام ولا وقته اننا نتحاسب….. يمكن خير عشان كان لازم ابعد من زمان انا وانت ميسعناش مكان والبركة فيك موضوعنا مات مبقاش خلاص في معجزات وبلاش نقلب في اللي فات راح عليه…. ولا وقته اننا نتحاسب”.