الزوجة والفيزياء.. تهاني تطلب الخلع: شغال مدرس وعايز رسوم دروس عيالنا

عايزني أدفع له تمن دروس العيال وهو مدرس.. بهذه الكلمات سردت تهاني مأساتها مع زوجها مدرس مادة الفيزياء الذي رفض إعطاء دروس لأبنائه التوأم في مادة الفيزياء بالمرحلة الثانوية العامة، معللا ذلك بأنه لا وقت لديه للجلوس مع أبنائهم وتعليمهم.

قرار عاجل من المحكمة الإقتصادية بشأن مرتضى منصور

البنت راكبة قدامه.. الداخلية تكشف تفاصيل فيديو موتوسيكل الجيزة

زوجة تطلب الخلع من زوجها بسبب الفيزياء

سردت السيدة الأربعينية تهاني مأساتها مع زوجها البخيل والذي يرفض التدريس لأبنائه معللا بأنه ليس لديه وقت لذلك، وطالبا من زوجته دفع رسوم مقابل تدريس مادة الفيزياء لأبنائه، أو إعطائهم دروسا في مركز تعليمي خارجي، وحينما قامت بشكواه إلى والدته قال لها هم أحفادك أدفعي لهم رسوم الدروس بدلا منها، أما أنا فلن أعطيهم دروسا بدون مقابل ولن أدفع لهم رسوم الدروس.

وقالت تهاني في قصتها «أنا أتجوزت من 21 سنة، وعندي 3 أبناء ولدين توأم وبنت أكبر منهم بـ سنتين، وكنت بعاني شوية من جوزي طول فترة الزواج لأنه بخيل شوية في حاجات وفي حاجات تانية كان سخي جدا والدنيا كويسة ومفيش أي حاجة، وكنت بمشي الأمور وبقول عدي ومشي الحياة وبلاش مشاكل، ومواقف البخل أو عدم الإهتمام كانت بتعمل بيني وبينه مشاكل كتير».

تهاني: شغال مدرس ومش عايز يذاكر للعيال

وتابعت تهاني قائلة «الموضوع مش جديد على جوزي بس مكنتش متخيلة أن الأمور توصل لكدة، هو بخيل شوية في المصروفات بس كان بيقعد يذاكر للأولاد معايا في الإعدادي ساعات، وكانت مرات معدودة على الصوابع، وبعدين أولادي دخلوا الثانوي العام، وهما شاطرين بس بردو محتاجين حد يشرح لهم ويفهمهم المادة لأنها صعبة، وطلبت منه أنه يديهم دروس في الفيزياء ويذاكر لهم بس كان رده مفاجأة ليا».

أضافت تهاني «طبعا أنا متخيلتش الرد اللي سمعته، هما ولاده زي ما هما ولادي بالظبط، بس لقيته بيقول لي هاتي 200 جنيه في الحصة، قولت له بطل هزار ياراجل عايز تاخد من عيالك فلوس حصص، قالي أه هو التعليم ببلاش، أنا معنديش وقت ومش فاضي لهم، ذاكر لهم أنتي أو وديهم مراكز بره، قولتله طيب هات فلوس أوديهم قالي لا أنتي بتتشغلي وأصرفي عليهم».

إشتكيت لحماتي وقالها أدفعي أنتي

وأختتمت تهاني قائلة «طبعا روحت قولت لحماتي على اللي أبنها بيعمله، وهي أتكلمت معاه وقالت له عايز تاخد فلوس من عيالك، قالها هما مش أحفادك، أدفعي لهم أنتي، وأتخانقت معاه وأول ما الأولاد خلصوا إمتحانات الثانوية العامة، الأسرتين حاولوا الإصلاح بيني وبينه لمدة كام شهر لكن مكنش في حل غير محكمة الأسرة».