أحمد فهمي: السبكي أبويا الروحي ومش بستعين بضيوف شرف إلا لو الموضوع محتاج| خاص

تحدث الفنان أحمد فهمي عن كواليس تصوير فيلم “مستر إكس” وكواليس العمل، فضلا عن رأيه في التعاون مع باقي الأبطال خاصة زوجته الفنانة هنا الزاهد والتي تعد أولى تجاربهما سويا.

تحيا مصر يرصد في ذلك التقرير تصريحات أحمد فهمي عن كواليس تصوير فيلم مستر إكس

أحمد فهمي: ان شاءالله مستر إكس يكون عن حسن ظن الجمهور وبقالنا سنة ونص بنحضر فيه

وقال أحمد فهمي خلال لقائه بـ موقع تحيا مصر على هامش العرض الخاص لـ فيلم “مستر إكس”: اتشرفت بالشغل مع اللي مشاركين في مستر إكس وإن شاءالله متكونش التجربة الأخيرة لـ هنا، إن شاءالله يكون الفيلم عند حسن حظ الجمهور ويعجبهم المجهود المبذول في الفيلم وهو ممكن بقاله سنة ونص بيتحضر ومهتمين بأدق التفاصيل ومن وجهة نظرنا قدرنا نعمل حاجة مبذول فيها مجهود وتتقدر.

أحمد فهمي: مش بستعين بضيوف شرف إلا لو الموضوع يستاهل وكواليس تصوير مستر إكس كانت صعبة

وعن استعانته بـ ضيوف الشرف، فقال: مش بجيب ضيوف شرف غير لو الموضوع محتاج عشان أوظفهم بشكل كويس وبشكرهم كلهم وكلهم جاملوني أنا والحج أحمد ووقفوا جنبنا وموجودني اول ناس في العرض الخاص.

وتطرق بحديثه عن كواليس تصوير مستر إكس، فقال: الفيلم كواليس تصويره كانت صعبة جدا ولكن أنا وأنور وأوس أوس صحابي اللي بخرج وبقعد معاهم كل يوم فكان حاجة لطيفة إني اروح معاهم لوكيشن التصوير، حتى لو المشاهد صعبة واليوم صعب، وأحمد السبكي بعتبره أبويا الروحي، واشتغلت مع أحمد عبد الوهاب في ريح المدام وكان في بعض الحلقات أحمد بيشتغل فيها وكان أول تعاون بيني وبينه، وهو راجل عنده طموح وانه يقدم فيلم كوميدي بشكل مختلف وهو نجح في ده.

أحمد فهمي عن منافسة أفلام السينما: في المصلحة

وعن خوضه منافسة أفلام عيد الأضحى هذا العام أمام كبار النجوم، فقال: الأفلام كلها حلوة ومفيش فيلم نص نص، ولكن المنافسة دي في المصلحة وإن شاءالله كلنا نشتغل كويس ونعمل أرقام والترتيب مش أهم حاجة لكن إن الفيلم يحقق ارقام كويسة ده المهم.

وكشف عن موعد نزول فيلم سفاح الجيزة، فقال: سفاح الجيزة هيكون أخر الصيف وهي قصة حقيقية، وهيشارك فيه ركين سعد.

يذكر، أن فيلم مستر إكس من تأليف أحمد عبد الوهاب وأمجد الشرقاوي، وتحت قيادة المخرج أحمد عبد الوهاب، وتدور أحداث  العمل حول قصة حب بين رئيس إحدى العصابات، وبين محامية تضعها الظروف في طريقه، فيحاول جاهدا إبعادها عن كل المخاطر.