من أمام مقبرته.. أوس أوس يحيي الذكرى السنوية لنجله علي: أشوفك على خير

حرص الفنان محمد أسامة نجم مسرح مصر والشهير بأوس أوس على إحياء الذكرى السنوية لرحيله نجله علي.

تحيا مصر يرصد إحياء أوس أوس لذكرى رحيل نجله علي.

ذكرى وفاة نجل أوس أوس

ونشر أوس أوس صورة من مقابر نجله عبر حسابه الرسمي بموقع التواصل الاجتماعي فيسبوك، وعلق عليها قائلًا: ٦/٢١ الذكرى السنويه لابنى (على)
واحشتينى واشوفك على خير ياحبيبى.. يا رب أنت خلقته وأنت أخذته إلى جوارك، صفحته بيضاء نقية لم يفقه من الدنيا شيء واجعله شفيعاً لنا.. اللهم اربط على قلبونا وارزقنا الصبر وعوضنا خيرا..اللهم إنا رضينا بما كتبت لنا، فاكتبنا مع الصابرين وبشرنا بما وعدتنا، واجبرنا بلطفك يا كريم.

أوس أوس في برنامج حبر سري 

على الصعيد الآخر، قال أوس أوس خلال استضافته في برنامج حبر سري: اشتغلت شغلانات كتير زمان عشان الواحد يبقى ليه لازمة في الدنيا وأنا كنت من أسرة ميسورة بس كنت بجيب مصروفي بدل ما أبويا يصرف عليا.

وتابع أوس أوس: بقينا نصرف على الفن أمتر من اللي بناخده منه وزمان كان في رفاهية والناس مبسوطة دلوقتي كلنا سواسية والدنيا صعبة على الكل.

وأضاف أوس أوس: كنت أهلاوي وأنا صغير وكنت بسمع كلام أبويا لحد ما كبرت لما فضل يقولي بلاش تعمل كذا ويأمرني فقررت إبقى زملكاوي بالعند فيه ولو كنت بشجع نفس الفريق أنا وأبويا مش هيبقى فيه أكشن.

وتابع: الكورة هي ترفيه للناس ومينفعش الناس تتعصب عليها لان الكورة لإسعاد الجماهير

واستطرد: هقرر ابعد عن الفن لما احس إني مش مستمتع بيه، والفن هواية ومش بروح أعمل مشهد وأنا مضايق منه حتى لو جالي فلوس الدنيا وعمرنا ما نعمل حاجة مش مستعمتعين بيها أو مش حبنها حتى لو بفلوس كتير جدًا.

تصريحات أوس أوس 

وعن نجوم مسرح مصر قال: عشان اتربينا فى مدرسة أستاذ أشرف عبد الباقي، وهو رجل له تاريخ كبير قرر يقف بجانبنا ووثق فى قدراتنا ويترك لنا مساحة التمثيل، وهو بيدخل فى آخر 10 دقائق يقول المعلومة المهمة فى العمل، وكل ما رأينا من أستاذ أشرف هو ما تعلمناه فى مجالنا.