آسر ياسين: بستمتع بالشغل مع أمينة خليل.. وأتوب عن الماضي في شماريخ

كشف الفنان آسر ياسين عن تفاصيل شخصيته في فيلم شماريخ المقرر عرضه الفترة المقبلة، وذلك خلال لقائه ببرنامج عرب وود المذاع عبر شاشة تلفزيون قناة روتانا.

تحيا مصر يرصد تفاصيل تصريحات آسر ياسين

تصريحات آسر ياسين عن فيلم شماريخ

وقال آسر ياسين: بجسد شخصية راجل بيشتغل في حاجات مش كويسة وقرر أنه يتطهر من كل دا ويتوب عن ماضيه والرحلة دي قصادها تمن والتمن دا ممكن يكلفه حياته، وحياة ناس حواليه، وبنشوف الرحلة دي عاملة ازاي، وهي عبارة عن رحلة شماريخ.

وعن تعاونه مع الفنانة أمينة خليل في العمل قال: أنا وأمينة صحاب جدا وبنعرف نشتغل مع بعض كويس وكميتنا فعلا حلوة مع بعض، وفي فيلم شماريخ بنشتغل مع بعض بشكل كبير وفيه مشاهد بتجمعنا وبستمتع بالشغل معاها.

آسر ياسين يُنعي أحد مساعديه

ومن جانب آخر كان الفنان آسر ياسين قد تحدث عن أحد مساعديه الذي نوفى منذ فترة، وكتب ياسين عبر حسابه بموقع تبادل الصور والفيديوهات انستجرام: إهداء لمجدي.. كان المساعد بتاعي لأكتر من ١٤ سنة، قصته فيها كمية عِبر حياتية غير طبيعية.. اشتغل كهربائي لمدة تلاتين سنة وبعد كده حصتله حادثة موت اتكتبله فيها عمر جديد.

وتابع: "ومن هنا ابتدا يشتغل مساعد ليا بناءًا على نصيحة أبويا اللي رشحهولي عشان اخلاصه وأمانته.. عمره ما كان يتخيل انه يشتغل في السيما ويقابل روبي ومنى زكي ومحمود حميدة!! ومش بس كده، ده كمان وقف قدام الكاميرا كذا مرة في أدوار شرفية..كل الناس حبته لأنه يخش القلب علي طول لطيبته وبساطته”.

تفاصيل فيلم شماريخ

ويعد فيلم "شماريخ" من تأليف وإخراج عمرو سلامة والفيلم يدور في إطار درامي تشويقي أكشن، ويشارك فى بطولته، أمينة خليل، سالي حماد، خالد الصاوي، أدهم الشرقاوي، محمد ثروت، مصطفي درويش والعديد من ضيوف الشرف، ويجسد آسر ياسين ضمن أحداث العمل شخصية رجل ثرى يمتلك مصنع "بلالين" يقع فى حب أمينة خليل، إذ تجمعهما قصة حب ضمن دراما العمل.