سمية درويش: الناس محبتنيش بسبب شيرين عبد الوهاب.. وليها حق تضايق مني

تحدثت المطربة سمية درويش عن تفاصيل تشابه صوتها مع صوت الفنانة شيرين عبد الوهاب، وذلك خلال لقاء تلفزيوني لها عبر شاشة تلفزيون قناة تن.

تحيا مصر يرصد تفاصيل تصريحات سمية درويش

تصريحات سمية درويش عن شيرين عبد الوهاب

وقالت سمية درويش: أنا أول حاجة عملتها قلب وراح، واللي نزلها كتب عليها شيرين عبد الوهاب وهي بصوتي، وأنا مش بحب أكون شبه حد، وبحب أكون أنا ومختلفة، والمنتج كان حابب اللقطة دي.

وتابعت: وأنا من الفانز بتوع شيرين عبد الوهاب، والناس متقبلتنيش، ولما طلعت في برنامج حكيت موقف 17 سنة ما حكيته بس لقيت المذيعة اللي في البرنامج عندها خلفية عن الموضوع فاتخضيت.

واضافت: وهي مش بتضطهدني، بس هي قالت للناس نزلوا الزفت دا على صورتي عشان كانوا حطينها جمب صورتها، وهي ليها حق تضايق مني من الكلام اللي الصحافة بتكتبه عني.

تصريحات شيرين عبد الوهاب في ET بالعربي

وعلى صعيد آخر، أكدت الفنانة شيرين عبد الوهاب على أنها لم تخسر حسابتها عبر مواقع التواصل الاجتماعي المختلفة، مشيرة إلى أنها معطلة بسبب عدة مشاكل إدارية.

وقالت شيرين عبد الوهاب في لقائها ببرنامج ET بالعربي: أنا مخسرتش السوشيال ميديا بتاعتي بس فيه شوية حاجات كدا إدارية بتخلص، وإن شاء الله هترجع السوشيال ميديا بتاعتي، وأي سوشيال ميديا بتاعت أي حد بعتبرها بتاعتي.

وعن وقوف عدد من الفنانين بجانبها في أزمتها الأخيرة، قالت: الفنانين كانوا زيهم زي الجمهور خايفين عليا وعايزيني أرجع لنشاطاتي تاني، فدا حب وربنا كرمني، واسمي طالما اتحط في دعايا يبقى جاية، مفيش حاجة اسمها دعايا ليا في أي مكان وأنا مش جاية.

دعم مها أحمد لـ شيرين عبد الوهاب 

وعلى صعيد آخر، حرصت الفنانة مها أحمد على دعم الفنانة شيرين عبد الوهاب، وذلك عبد سقوطها على المسرح في حفلها الذي أقيم في دبي.

ونشرت مها أحمد صورة للفنانة أم كلثوم أثناء سقوطها على المسرح وكتبت عبر حسابها بموقع تبادل الصور والفيديوهات انستجرام: ما يقع إلا الشاطر، كم من المطربين والفنانين ممكن يتكعبلوا ويقعوا على المسرح ومشاهير كتير جدا.