مفاجأة عن الكفن.. والدة وشقيقة عروس طنطا: مابيعرفش وخاف من الفضيحة|فيديو

قالت والدة عروس طنطا عقب النطق بالحكم بإعدام المتهم بقتلها، «الحمد لله على رجوع الحق، النهاردة حق آية رجع».

رائحة الكفن.. جار محمد عادل يكشف تفاصيل مثيرة: أمه قالت سيبوني معاه شوية | فيديو

قدام أخواتي وفي الشارع.. أمال تطلب الخلع: هزاره خارج وتصرفاته صبيانية

تفاصيل جديدة في مقتل عروس طنطا

وتابعت والدة عروس طنطا لـ «تحيا مصر»، أنا كنت في غيبوبة الأيام اللي فاتت كلها، كنت في غيبوبة من يوم ما آية بنتي راحت، كل ما أبص حواليا ومش شايفاها متعرفوش أنا فيا إيه، ربنا وحده اللي عالم بيا، وكان لازم الحق يظهر.

وأضافت والدة عروس طنطا «أنا شوفت المتهم النهاردة وقولتله أنا بنتي شريفة وعفيفة وطاهرة، وحكم الإعدام برد ناري شوية على آية بس مفيش حاجة تعوضها، وأهله وأمه قالوا أنها خلصت على نفسها ربنا ينتقم منهم كلهم عشان شهروا ببنتي وحاولوا تشويه صورتها».

والدة عروس طنطا: آية طاهرة وما بتظلمش حد

وأشارت والدة عروس طنطا «آية طاهرة وشريفة وطول عمرها ما بتظلمش حد وأنا راضية عنها، ونفسي أطلع أعملها عمرها بس عليا ديون من جوازها لما أسدها الأول، هروح أعمل لها عمرة، أنا مش بعرف أنام طول الليل شايفة آية وبقعد أصلي وأدعي لها».

وقالت شقيقة آية عروس طنطا لـ تحيا مصر «جات لي في المنام كأنها صاحية وبتكلمني وبتقولي شايفة اللي حصل لنا يا رحاب هي بتجيلي كتير بصيغة أنها عايشة بتكلمني وبكلمها مش ميتة وبتيجي لبنتي كتير بتصحى من النوم تقول آية أقولها آية كانت معاكي تقولي أيوة».

شقيقة آية: مابيعرفش وخاف من الفضيحة

وتابعت شقيقة آية عروس طنطا «اللي قاتل بياخد إعدام دي حاجة أنا كنت متوقعاها بس كنت عايزة أسمعها ومش بس كدة عايزة يتقطع زي ما ضرب أختي، أنا شوفته النهاردة في حاطط إيده على راسه في الأرض ومش قادر يواجه حد، مش عايز يشوف حد فينا، وربنا يعلم كنا بنعامله زي أخونا مكنش في أي فرق لكن هو غدر بيها».

وأضافت شقيقة عروس طنطا «أهل المتهم بلغونا في أول يوم أنها حاولت تنهي حياتها والكلام ده، والنيابة نفت كل الكلام ده وقالت جريمة قتل، وأثبتت الجريمة، أهله قالوا أنها مكنتش عايزة تتجوز وأتجوزت بالعافية وموتت نفسها لكن ده مش صح، وأنا شوفتها في الحلم وقالتلي أن واحد صاحبه عايز يدخل عليها بدل منه عشان كدة قتلها».

وأكملت «الحقيقة اللي الناس خايفة تقولها أنه كان عايز يجيب واحد صاحبه يدخل عليها وبعدها خاف من الفضيحة وتقرير الطبيب الشرعي قال أنها واخدة 30 طعنة في ضهرها والطعنات واصلة للعظام مش طعنات سطحية، أنا أختي أتاخدت غدر، والست اللي عملت الكفن جت ساعة العزاء وقالت أنها كانت بتعمل الكفن في أول أسبوع في رمضان وكل غرزة فيه بتسبيح وحمد لربنا وبعد ما خلصته حطته على ترابيزة وقالت لبنتها الكفن ده هتلبسه عروسة».