رائحة الكفن.. جار محمد عادل يكشف تفاصيل مثيرة: أمه قالت سيبوني معاه شوية | فيديو

قال أحد جيران والدة محمد عادل المتهم بقتل نيرة أشرف، أن حالة والدة محمد سيئة جدا برحيل نجلها إلا أن حالتها الصحية بخير ولا تعاني من إصابات.

في حالة تعفن.. جهود لكشف لغز مقتل طبيب معهد ناصر داخل عيادته

غموض في الدقي.. العثور على جثة فتاة متحللة وبجوارها والدتها فاقدة الوعي

جار محمد عادل يكشف تفاصيل الجنازة

وسرد جار محمد عادل «يوم الأربعاء صباحا جالي تليفون ان تم تنفيذ حكم الإعدام في محمد، روحت أتصلت بخاله أستاذ محمد عمارة، وقولتله إيه التطورات وهل في جديد في الموضوع، قالي أنا جالي تليفون أن محمد في مستشفى المنصورة الدولي، ورايح في الطريق أشوف في أيه، ولحد كدة مكنش حد يعرف الخبر، وأنا مكنتش حابب أن الخبر يطلع مني».

وأضاف جار محمد عادل قاتل نيرة أشرف «وتابعت معاه لحد ما وصل مستشفى المنصورة الدولي وقالي الخبر صحيح تم تنفيذ الحكم ومحمد دلوقتي في المشرحة، وساعتها كلمني واحد من الجيران قالي في أمين شرطة هنا بيسأل عن أهل محمد عايز يبلغهم بتنفيذ الحكم، وده كان ساعة الظهر كدة».

جار قاتل نيرة أشرف: أمه قالت سيبوني معاه 

وتابع جار محمد عادل «الخبر كان متوقع بنسبة كبيرة من الكل، لكن كان جوانا كلنا أمل أنه إحتمال يعاد التحقيق في القضية أو أن يحصل حاجة من عند ربنا توقف التنفيذ، وبعدين بدأنا نشوف هنتصرف إزاي ونجهز للجنازة، لأن خلاص كان الأمر بقى واقع وروحت على المسجد عشان نستني وصول محمد كلنا وفوجئت بعدد رهيب من الناس على الرغم من أن كان في ناس كتير متعرفش الخبر».

جار محمد عادل: رائحة الكفن كانت طيبة في المسجد

وأكد جار قاتل نيرة أشرف المتهم محمد عادل «والدته كانت حاضرة الجنازة والدفن، وكانت بتدعي وحزينة جدا وحالتها النفسية كانت في إنهيار، مكنتش متوقعة أنها تدفنه، بعد ما خلصنا الدفن قالت سيبوني شوية مع محمد وقعدنا حوالي ساعة معاه وقعدت تدعى وتقول يا محمد يامحمد وأخواته كانوا في إنهيار بس مش صوت كانت الدموع نازلة منهم لكن واقفين صامدين، كان صعبان عليهم الفراق».

وأختتم جار محمد عادل «محدش شاف محمد أول ما جه، وأنا دخلت المسجد كانت ريحة الكفن مالية الدنيا ريحة غير طبيعية جميلة جدا، ويارب دي تكون بشرى من عندك يارب، وعن زيارة والدته كانت هي وأخواته عنده قبل التنفيذ بساعات ومعرفوش أنه هيتنفذ فيه الحكم».