قدام أخواتي وفي الشارع.. أمال تطلب الخلع: هزاره خارج وتصرفاته صبيانية

«أنا خلاص زهقت من العمايل دي.. عنده 38 سنة وفاكر نفسه لسه شاب في العشرينات»، بهذه الكلمات سردت الزوجة أمال قصتها مع زوجها بعد زواج أستمر قرابة 10 سنوات، لينتهي بها المطاف أمام محكمة الأسرة في مصر الجديدة بعد أن أقامت دعوى خلع ضده.

القصة الكاملة لمقتل طبيب الساحل.. خطة زميل البالطو والمحامية ولغز الزواج العرفي والقبر في العيادة

رائحة الكفن.. جار محمد عادل يكشف تفاصيل مثيرة: أمه قالت سيبوني معاه شوية | فيديو

زوجة تطلب الخلع بسبب تصرفات زوجها

سردت الزوجة الثلاثينية قصتها لـ تحيا مصر، وتصرفات زوجها محمود معها بعد سنوات زواج دامت لمدة 10 سنوات، حيث دبت بينهما المشاكل الزوجية بسبب تصرفات وأفعال زوجها التي وصفتها بـ الصبيانية، وعلى الرغم من بلوغه سن 38 عاما إلا أنه ما زال يتصرف معها على أنه شاب لديه 21 عاما من العمر، حتى أنها سلكت كافة الطرق لإيجاد حلولا لمشكلتها معه، من الذهاب إلى منزل أسرتها إلى الشكوى لأسرته وأخيرا أقامت دعوى خلع في محكمة الأسرة بمصر الجديدة.

أمال: فاكر نفسه لسه في العشرينات

وقالت أمال في دعوى الخلع «أنا عندي 36 سنة، وجوزي محمود 38 سنة، وأتجوزت في سنة الثورة 2013، وساعتها كنا لسه شباب في العشرينات وكان الحب والخروج والجري، وبعد الجواز بسنتين ربنا رزقنا بطفل، ومع الأيام أصبحت مشاغل البيت والمسئولية أصعب شوية، لكن محمود كان زي ما هو ما بيتغيرش، على طول الجد هزار والهزار هزار، حياته كلها هزار وتصرفات غريبة، ومفيش عنده جد نهائي، لدرجة أن محمود كان بيهزر هزار خارج في الشارع وقدام أخواتي وأهله».

زوجة: هزار جوزي خارج قدام أخواتي

وتابعت أمال في قصتها «أتكلمت مع محمود كتير وقولت له كذا مرة أن دي حاجة متنفعش، وكان كل مرة بيزيد في أفعاله وتصرفاته وكنت بتكلم معاه ولا كأني بتكلم ويقولي إنتي مراتي ومحدش ليه عندي أي حاجة، واللي ليه عندي حاجة يجي يتكلم معايا، وكنت بكلمه على شكلي ومنظري قدام أهلي وشكلي في الشارع، كان يقولي إيه شكلك ما أنتي ماشية مع جوزك وأهلك عارفين أني بحب الهزار مفيهاش حاجة».

وشرحت أمال قائلة «روحت قعدت مع والدته ومع أخواته وشرحت لهم الوضع وهما أتكلموا معاهم وحصلت خناقة بسبب إني أشتكيت لأهله، ومكنش عندي حل تاني، وبعدها يومين فضل فيهم زعلان، ورجع زي ما هو بردو هزار بشكل خارج وتصرفات ما تطلعش من حد عاقل، وأخر ما زهقت روحت محكمة الأسرة رفعت عليه قضية خلع».