الفراشات بقت تتاكل.. حكاية تريند اجتاح السوشيال ميديا في الساعات الأخيرة

تصدر موقع التواصل الإجتماعي فيسبوك تريند جديد بعنوان “تريند الفراشات”، حيث تداول رواد السوشيال ميديا بعض المنشورات الغامضة عن أكل الفراشات وتقيؤها، الأمر الذي أثار تعجب وتساؤلات العديد من الجمهور، راغبين في معرفة حكاية تلك الفراشات التي يتم أكلها، وفي ذلك الإطار يرصد تحيا مصر القصة الكاملة لـ تريند “الفراشات”.

القصة الكاملة لـ تريند الفراشات

بدأ تريند الفراشات بتدوال مجموعة من المنشورات الغامضة، جاء فيها: “بما إني لسة مرجعة برطمان فراشات حالا، فأنا منحصش حط ياكلها خالص والله ياشباب… تقيلة على القلب وعلى المعدة جدا”.

وبتداول عدد منشورات عن أكل الفراشات ونصائح رواد السوشيال ميديا، بدأ الجمهور يتساءل عن الحكاية، حيث جاءت منشورات بعض رواد مواقع التواصل الإجتماعي، على هذا النحو: هو ايه يشباب حوار الفراشات اللى بتتاكل ده ! وعمالين متاكلوووش فراشاات... متاكلوش فراشات.. وايه يخلينا ناكل فراشات اساسا ؛ هى الشاورما قصرت معانا ف حاجة.

يعني إيه ناكل فراشات؟

وبعد عدد من التساؤلات تبين أن معنى الفراشات هو الكلام “المعسول”، أي الإشادات وكلمات الإعجاب بين الرجل والمرأة في بداية العلاقات العاطفية والذي يمثل ادخال سعادة على القلب تشبه انطلاق الفراشات بحرية، أما عن تقيؤها فهو اللحظة التي تفشل بها تلك العلاقة وينتهي كل هذا الكلام “المعسول”، ويسبب الاما قاسية للطرفين.

وشرحت إحدى رواد السوشيال ميديا المعنى الأساسي لـ تريند الفراشات فقالت: “نقصد الحب والمشاعر والكلام اللي لما نسمعهم او نحسهم بنحس ان ف فرشات طايره كداا ف بناكلها يعني بنصدق الكلام والاحساس ونتخزوق في الاخر”، وفي منشور أخر، قالوا: “لما البنت ترتبط فـ فترة البدايات الجميلة الولد بيبذل طاقته عشان يبسطها كلام بقا هدايا أفعال فـ هي بتحس ان فـ فراشات بتطير جوة قفصها الصدري كده شايفة بقا الفراشات و الدنيا ربيع و الجو بديع دي هيطفحلك الفراشات دي بعدين لما يبعد فـ ما تفرحيش عشان الفراشات ما تطيرش عشان مترجعيش تعيطي اوكي”.

سخرية الجمهور من تريند الفراشات

وسخر عدد كبير من الجمهور من تريند الفراشات، فقالوا: الفراشات تبقي قاعده في حالها و احنا هنا بجد ممرمطينها معانا واحده زعلانه نقولها انتي خفيفه كالفراشه واحده عايزه هديه يهديوها فراشه واحده الواد فركش معاها تقعد تتقيأ الفراشه و الفراشه بجد مش في دماغها كل البهدله اللي بتتبهدلها معانا دي يبنات والله.