نرمين الفقي عن عودة حلا شيحة للفن: هي حرة طالما معملتش حاجة مخلة بالشرف

كشفت الفنانة نرمين الفقي عن رأيها في عودة الفنانة حلا شيحة للتمثيل مرة أخرى، وذلك خلال لقاء لها عبر شاشة تلفزيون قناة رؤيا مصر.

تحيا مصر يرصد تفاصيل تصريحات نرمين الفقي

رأي نرمين الفقي في عودة حلا شيحة للتمثيل

وقالت نرمين الفقي: أنا عن نفسي بحب حلا جدًا، تعتزل ونقعد في البيت، تتحجب، أنا بالنسبالي بحبها جدًا لأنها على الصعيد الإنساني إنسانة لطيفة وحبوبة وجميلة ومتصالحة مع نفسها، دا اللي أنا شوفته منها.

وتابعت: كون أنها تعتزل أو تسيب الفن لأنها ارتبطت أو اتجوزت فدي ليها مطلق الحرية، أنها ترجع تاني طبعا دكتور أشرف الراجل دا فوق راسي من فوق لأنه راجل بمعنى الكلمة في المكان المناسب، هو أخد القرار المظبوط، وفي الأول والآخر دي حريو شخصية ليها.

واضافت: والفن دا موهبة من عند ربنا مش من حق أي حد أن هو يخمدها، دا قرارها دا حياتها، وهي تعمل اللي هي عايزاه طالما أنها في الأخر معملتش حاجة مخلفة بالشرف أو بالأمانة.

نرمين الفقي والزواج

وفي اللقاء ذاته، أكدت الفنانة نرمين الفقي على أنها لم تغلق باب الزواج، مشيرة إلى الصفات التي يجب أن تتوافر في زوجها المستقبلي.

وقالت: أنا عمري في حياتي ما كنت قافلة باب الجواز، أكيد كل واحدة فينا عندها حتة الأمومة، والأنوثة الطبيعية، بس لما يجي ابن الحلال اللي فعلا يقدر يخليها تقدم على الجواز، لأن الواحدة لما بتيجي تشتغل، بتنزل في مجتمع، بتبقى عايزة راجل قوي تتسند عليه.

وتابعت: بيجيي عرسان، ومواصفاته أنه يكون إنسان متعلم ومثقف ابن أصول، يعني عيلته مربيينه صح، ويبقى بجد متدين، هيقدر يحافظ عليا، يبقى مش سليط اللسان، وميبقاش متدلع.

تصريحات مفيدة عن حلا شيحة

وسبق وأن حرصت الإعلامية مفيدة التعليق على عودة الفنانة حلا شيحة للتمثيل مرة أخرى بعد الاعتزال، وذلك خلال حلقة من برنامج الستات المذاع على شاشة تلفزيون قناة النهار.

وقالت مفيدة: حلا شيحة غلطت مرتين، تعترض وتقول بعد ما الجمهور بيصدق مش لاعبة الفن حرام وكأنه حرام، كل الناس عارفة انك طيبة، ولكن الجمهور والمتابعين محتاجين أن يثقوا فيكي.

وتابعت: والثقة تحتاج لشخص قوي، ويقدر يواجه، ويا صديقتي العزيزة كل واحد فينا ممكن يعدي بوقت صعب، لكن اللي أنتي عملتيه في حياتك هو مجموعة قرارات غلط، ومتضيعيش نفسك.