ليلى طاهر عن عودتها للفن: نفسي أمثل لأخر عمري بس مبيتعرضش عليا أدوار حلوة

علقت الفنانة ليلى طاهر، على شائعة وفاتها والتي انشترت في صباح اليوم على مواقع التواصل الاجتماعي، موضحة إمكانية عودتها للفن مرة أخرى.

تحيا مصر يرصد في ذلك التقرير تعليق ليلى طاهر على شائعة وفاتها

ليلى طاهر: سعيدة بخبر وفاتي وكل شهر بيكتبوا كدة

وقالت ليلى طاهر خلال مداخلة هاتفية لبرنامج “ملفات” الذي تقدمه الإعلامية أميرة بدر على شاشة “هي”: أنا سعيدة بالخبر ده، لأ سعيدة علشان بحس بحبكوا ليا، لما يمكن قصدوا إنهم يزعلوني لكنهم أسعدوني، وأنا مش فاهمة جابوا الخبر ده ومش أول مرة، وكل شهر بيكتبوا الخبر، وهما مش لاقيين حاجة يكتبوها، فلسوا مفيش أخبار ولا صحافة ولا أي حاجة، وده مقصود مش خبر يتهيألوهم إنه صح لأ، اتكتبت بالنسبة لـ فنانين وفنانات كتير، وأتكرر بشكل كبير، وطلعت كلها أكاذيب وإشاعات.

ليلى طاهر: أنا بحب الفن بكل صوره ووقتي الفاضي بتفرج فيه على المسلسلات

وتابعت حديثها: والمقصود مش توصيل المعلومة، وقاصدين يوصلوا المعلومة الكاذبة ليه بقى أنا مش عارفة، أنا بحب الفن بكل صور، تلاقيني في وقتي الفاضي كله بتفرج على التلفزيون بشوف المسلسلات والوجوه الجديدة، والأعمال الفنية الحلوة بسعيدة إن الفن المصري بيرجع لأصله تاني، لأنه مر بوعكة بسبب الظروف اللي حصلت في البلد، بقوم الصبح أقرأ الأخبار في الموبايل، وأشوف الرسائل وأرد عليها، وبعدين أقوم أمشي في الجنينة وألعب مع الكلاب شوية، وأشوف لو ورايا حاجة أعملها ورايا زيارة مهمة، أروح النادي، حياة أسرية الفن كان واخدني منها شوية.

ليلى طاهر تكشف إمكانية عودتها للفن

وأما عن عودتها للفن مرة أخرى، فقالت ليلى طاهر عن اعتزالها: مينفعش أرجع دلوقتي لـ الفن، وكان نفسي ومنى عيني أستمر في الفن لأخر يوم في عمري، والتوقف اللي حصل خلاني أتوقف، ومجاش ليا دور حلو لغاية دلوقتي، وأتعرض عليا أدوار مش بنفس المستوي، وأرجع بحاجة قوية جدًا يا بلاش، واللي أنا عملته مبسوطة وأفتخر به.

واختتمت ليلى طاهر حديثها: بحب أتفرج على كل الفنانين لإن في ناس جديدة وناس قديمة كبروا وبقى عتاولة، ومقدرش أقولك مين، ونفسي الفن السينمائي يرجع كما كان.