عايشة في فيلم بوابة إبليس.. زوجة تطلب الخلع: كل يوم شيشة ورقص

عايش دور محمود حميدة في فيلم بوابة إبليس.. كلمات بسيطة سردت بها هناء الزوجة الثلاثينية قصتها مع زوجها، بعد أن أقامت ضده دعوى خلع للتخلص من أفعاله، قائلة بأنها لم تجد بابا في الأسرة إلا وطرقته حتى وصل بها الحال إلى محكمة الأسرة بالمعصرة في النهاية.

بيلبس هدوم حريمي.. أماني تطلب الخلع: زوجي غير سوي وسلوكه غير طبيعي

رانيا تطلب الخلع: مش عايز يجيب لي شنطة بـ 8 آلاف جنيه

زوجة تطلب الخلع بسبب أفعال زوجها

وسردت الزوجة الثلاثينية هناء مأساتها مع زوجها قائلة «أنا جوزي عايش دور محمود حميدة في فيلم بوابة إبليس، كل يوم بالليل عايزني أحضرله الشيشة وأعمله صينية فاكهة، وهو يلبس الجلابية ويلف شال على دماغه، والبس بدلة الرقص وأقعد أرقص له، وأنا مكنش عندي إعتراض وكنت بقول جوزي وبيتي واللي هو عايزه بس أنا زهقت مش كل يوم هعمل الحاجات دي، وكأني جارية عنده».

هناء: عايش في دور محمود حميدة

وقالت هناء في دعوى الخلع من زوجها «أنا عندي 31 سنة وجوزي أكبر مني بسنتين، بيتشغل محاسب في شركة، ومتجوزة من 3 سنين، ومن أول يوم وهو بيحب الجلالايب في البيت، حتى الناس وهي جاية يوم الصباحية بعد الجواز إستقبلهم بجلابية سوداء كدة وكان حاطط الشال على رقبته، وسألته إيه ده قال إيش فهمك إنتي في الذوق، وأنا كنت بقول لنفسي هو لا يعرف حاجة عن البلد ولا دي طريقة لبسه، مع أنه بيلبس كويس وشيك جدا في الشغل».

ثلاثينية: زهقت من روتين جوزي كل يوم

وتابعت هناء قائلة «عديت الموضوع ده وقولت عادي يعني ما هي الجلابية مش عيب وخليه براحته ده عريس وفرحان، وبعد شهرين من الجواز، لقيته كلمني من الشغل وقالي عايزين أكلة حلوة من إيدك وعملت له الأكل، ولما رجع إتغدينا وريحنا شوية وبعدها صحي بالليل قالي جهزي الفاكهة بقى في صينية، ودخل المطبخ قالي تعالي شوفي الشيشة بتتعمل إزاي، وفضل يجهز في الشيشة وبعدها خرجنا قعدنا قالي يلا أرقصي كنت فرحانة وعروسة وقولت مفيش مانع».

وأضافت الزوجة الثلاثينية هناء «الموضوع بقى دارج في البيت كل ليلة مش يوم أجازة مثلا، يدخل بالفاكهة كل يوم ويديهاني، وبالليل يقولي جهزي الشيشة وهاتي الفاكهة وتعالي أرقصي، وبعد فترة إشترالي 3 بدل رقص وقالي بعد كدة كل يوم تجهزي القعدة وترقصي، وهو قاعد عامل زي محمود حميدة في فيلم بوابة إبليس لما كانت مديحة كامل بترقص على أغاني حسن الأسمر».

وأختتمت الزوجة هناء «أنا تعبت من الطريقة دي، وزهقت من الروتين ده، وهو مش بيزهق كل يوم عايز سهرة بالشكل ده، وأخر ما زهقت منه كلمت أهله وأخواته ومحدش عرف يقوله حاجة، وهو نفسه مش قابل أي تفاهم في الموضوع ده، روحت محكمة الأسرة عشان أرفع عليه قضية خلع».