رانيا تطلب الخلع: مش عايز يجيب لي شنطة بـ 8 آلاف جنيه

مش عايز يجيب لي شنطة بـ 8 آلاف جنيه.. بهذه الكلمات سردت رانيا قصتها مع زوجها والتي بسببها تقدمت بدعوى خلع إلى محكمة الأسرة بمصر الجديدة، للتخلص من بخل زوجها على حدو قولها.

بيلبس هدوم حريمي.. أماني تطلب الخلع: زوجي غير سوي وسلوكه غير طبيعي

عشرينية تجمع بين زوجين في قنا.. تزوجت إبن عمها رسميا وأخر عرفيا |ما القصة؟

رانيا تطلب الخلع من زوجها: بخيل

سردت رانيا قصتها مع زوجها التي أتهمته بالبخل وعدم الإهتمام بها قائلة «أنا عندي 26 سنة، ومتجوزة بقالي سنتين بس، أتقدم لي شاب ميسور الحال جدا، ومعاه عربيته وشقة دوبليكس وأنا وافقت على الجواز، وقال لأهلي أنه هيكون جاهز للجواز في 3 شهور، وفعلا جهزنا الشقة وكل حاجة في 3 شهور وعملنا فرح كبير، وكان بيديني كل الفلوس اللي عايزاها ويجيب لي كل شوية هدية بمناسبة أو من غير».

رانيا: كان بيجيب لي كل حاجة غالية

وتابعت رانيا قائلة «طلبت منه بعد 3 شهور ننزل نشتري حاجات سوا، وروحنا دخلنا عايبر كبير وأشترينا كل حاجة ومكنش عنده أي إعتراض على مشتريات أو نوعها، وكمان إشتريت في اليوم ده حاجات ميك آب ليا ومستلزمات وهو ما أعترضش خالص، ودي كانت أول مرة ننزل نشتري سوا حاجات لينا في البيت، ورجعنا عادي وتاني يوم لقيته جايب لي هدية برفيوم مع أني كنت لسه جايبة وإحنا بنتسوق».

زوجة تطلب الخلع بسبب شنطة غالية

وأضافت رانيا «وفضلنا أول سنة جواز بننزل ونشتري اللي عايزينه ويوديني أماكن غالية وناكل ونخرج سوا، ومفيش أي مشاكل معاه على الفلوس، وكنت بوريه صور هدوم ليا أو حاجات ليا والاقيه بعد كام يوم جايبها في شنطة هدايا ويقولي مفيش حاجة تغلى عليكي، وبعدين قعدنا سوا وقالي أنا دفعت مقدم فيلا في الشيخ زايد عشان ننقل فيها ولازم نقلل شوية مصاريف عشان الأقساط وأنا مكنش عندي مشكلة وقولت ماشي على أننا هننقل شوية وخلاص».

وأختتمت رانيا في دعواها بالخلع من زوجها قائلة «بعد سنة وكام شهر من الجواز طلبت منه ننزل نشتري حاجات من مول وأول مرة يقولي إستني أول الشهر وننزل وعنيا ليكي، وقولت خلاص مش مهم الحاجة مش ضروري، وكان مفروض نسافر سوا دهب وقبل السفر قولتله لازم ننزل نشتري شوية حاجات، ولما نزلنا لقيت شنطة إيد عجباني بصراحة وكان سعرها 12 ألف جنيه وعليها خصم بـ 8 آلاف جنيه وهو قالي ده مش وقته وتمشي ب شنطة سعرها كل ده ليه هاتي بيهم حاجات تانية أكتر مش شنطة بس، وزعلت منه وأتخانقنا وبعدها روحت طلبت الخلع منه».