مروة صبري توجه رسالة لـ حلا شيحة: أعملي استفتاء للجمهور عشان ترجعي تاني

علقت الإعلامية مروة صبري، على قرار عودة الفنانة حلا شيحة للفن مرة أخرى بعد إعلان اعتزالها وسفرها إلى الخارج مع زوجها وأولادها.

تحيا مصر يرصد تفاصيل تصريحات مروة صبري عن حلا شيحة

رسالة مروة صبري لـ حلا شيحة

ووجهت مروة صبري خلال برنامجها “قعدة ستات”، المذع على شاشة “القاهرة اليوم”: حلا في ناس لسه بتثق فيكي.. أطلعي وأعملي استفتاء للجمهور اللي بيحبك وأداكي شهرة.. الجهات المسئولة عن الإنتاج والإخراج والأسرة الفنية، ولكن الجمهور له حق عليكي، عشان يرجع يتفرج عليكي تاني، عشان يرجع يشجعك ويأيدك تاني.

واستكملت مروة صبري: زي ما أنتي شايفه عندنا السوشيال ميديا بعيدا عن اللجان الإلكترونية والحاجات المدفوعة، انتي عارفه أن السوشيال ميديا دلوقتي ببوست بتطلع الفنان وببوست بقت تنزل حد، وأنتي كان عندك نعمة كبيرة أوي وهي نعمة حب الناس والجمهور ليكي.. ولكن رايحة وراجعة وحلا شيحه رايح جاي مش حلو.

واختتمت مروة صبري حديثها: أرجوكي خدي قرار.. وخدي قرار نهائي، لأن الفن زي ما بتقولك الناقدة ماجدة خير الله رسالة مهمة جدا مينفعش أننا نلعب بيها.

تصريحات مفيدة عن حلا شيحة

وسبق وأن حرصت الإعلامية مفيدة التعليق على عودة الفنانة حلا شيحة للتمثيل مرة أخرى بعد الاعتزال، وذلك خلال حلقة اليوم من برنامج الستات المذاع على شاشة تلفزيون قناة النهار.

وقالت مفيدة: حلا شيحة غلطت مرتين، تعترض وتقول بعد ما الجمهور بيصدق مش لاعبة الفن حرام وكأنه حرام، كل الناس عارفة انك طيبة، ولكن الجمهور والمتابعين محتاجين أن يثقوا فيكي.

وتابعت: والثقة تحتاج لشخص قوي، ويقدر يواجه، ويا صديقتي العزيزة كل واحد فينا ممكن يعدي بوقت صعب، لكن اللي أنتي عملتيه في حياتك هو مجموعة قرارات غلط، ومتضيعيش نفسك.

واختتمت حديثها: الفن مش لعبة وكل الناس عارفة أنك موهوبة وملتزمة وطيبة ولازم تدي الناس انطباع انك قوية ويجب أننا نحس أنك راجعة الفن عن اقتناع.

عودة حلا شيحة للتمثيل

وكشف الفنان أشرف زكي، نقيب المهن التمثيلية، موقفه من عودة الفنانة حلا شيحة مرة أخرى للتمثيل، وذلك خلال لقائه اليوم ببرنامج معكم منى الشاذلي.

حيث قال: أنا قولت قبل كدا أنه في حال قررت حلا شيحة ترجع للوسط الفني فأنا مش صاحب قرار وهاخد رأي كل فنانين مصر، الأهم رأي الأسرة الفنية لأن اللي حصل كان بيمسهم كلهم.