سميرة سعيد: لازم يبقى فيه قانون دولي للذكاء الاصطناعي

تحدثت المطربة المغربية سميرة سعيد عن أغنيتها الجديدة إنسان آلي، ورأيها في تقنية الذكاء الاصطناعي، وذلك خلال لقاء تلفزيوني لها.

تحيا مصر يرصد تفاصيل تصريحات سميرة سعيد التلفزيونية

سميرة سعيد وأغنية إنسان آلي

وقالت سميرة سعيد: أول لما سمعتها حسيت أني بسمع أغنية مختلفة جدا، واتحمست ليها، حسيت أنها أغنية برا سياق الأغاني الاعتيادية والغنا عن مشاعرنا العاطفية وحسيت أنها رايحة لمطرح أعم وأهم زي مشاكلنا اليومية وضغوطنا وحياتنا وتأثير التكنولوجيا على حياتنا بشكل واضح.

أما عن بوستر الأغنية قالت سميرة: كان ممكن أن احنا نعمل صورة حلوة يعني يطلع شكلي حلو بشعري وأحط اكسسوارات وفستان حلو وكل الكلام دا بس دا ميخدمش الأغنية خالص.

كما كشفت عن رأيها في استخدام الذكاء الاصطناعي بمجال الغناء، فقالت: شيء كنا بنسميه الخيال العلمي زمان أصبح واقع علمي بيقوم بجميع المهام، ولو اتكلمنا عن بصمة الصوت مفيش حاجة نقدر نعملها غير أنه يجرموه أو ميجرمهوش لازم يبقى فيه قانون دولي.

تفاصيل أغنية إنسان آلي

وتقول كلمات أغنية إنسان آلي: “طول الوقت ببقى تحت ضغط و Stress عالي متوترة ومتنشنة ما بقتش أحس بأي لحظة حلوة عايشة فيها مالي إنسان آلي اتحولت أنا يا حفوق دلوقتي حالًا وأنقذ نفسي من كل اللي أنا فيه و أشوف مشاكلي إيه يا إما حانتهي لازم أفوق دلوقتي حالاً يا حسيب كل اللي فاضل يطير طب هو فاضل كتير أيوة فاضل كتير عقرب الثواني دقاته بقت مجنناني آه يا وداني حاجة متعبة الثانية اللي بتعدي لو راحت ما بترجعش تاني”.

“حقيقة مرعبة عمال أشيل نفسي حاجات فوق طاقتي وإحتمالي ما خدتش بالي فات كم سنة طول الوقت ببقى تحت ضغط و Stress عالي متوترة ومتنشنة ما بقتش أحس بأي لحظة حلوة عايشة فيها مالي إنسان آلي اتحولت أنا يا حفوق دلوقتي حالًا وأنقذ نفسي من كل اللي أنا فيه و أشوف مشاكلي إيه يا إما حانتهي لازم أفوق دلوقتي حالاً يا حسيب كل اللي فاضل يطير طب هو فاضل كتير أيوة فاضل كتير”.