مأساة فتاة دمياط.. والد نسمة: معاقة ذهنيا وعجوز إعتدى عليها وحملت منه | فيديو

أنا عايش في مأساة مع بنتي في دمياط ومفيش في إيدي حاجة أعملها.. بهذه الكلمات سرد والد نسمة - فتاة من ذوي الإحتياجات الخاصة، قصته مع إبنته التي إعتدى عليها شخص ستيني في مدينة دمياط حتى حملت منه طفل سفاح، ووضعت الطفل وتم القبض على المتهم ولم يتم تسجيل الطفل حتى الآن.

بيلبس هدوم حريمي.. أماني تطلب الخلع: زوجي غير سوي وسلوكه غير طبيعي

كان بيأكل الفرخة ويسيب لي العضم.. مأساة زوجة وحكايتها عن طلقيها |فيديو

مأساة نسمة.. عجوز إعتدى عليها في دمياط

وقال والد نسمة - فتاة من ذوى الإحتياجات الخاصة في دمياط، إبنتي نسمة بالغة من العمر 23 عاما، تعاني من إعاقة ذهنية من ذوى الإحتياجات الخاصة، توفت والدتها قبل 4 سنوات، وبعد وفاتها جلست أنا ونسمة في شقة في الطابق الأرضي بأحد العقارات وأنا أعمل نجارا أخرج في التاسعة صباحا وأعود في العاشرة مساء، وأترك نسمة في المنزل حتى أعود في المساء.

وقال والد نسمة لـ تحيا مصر، «اللي حصل أني خرجت في التاسعة صباحا للعمل، وتركت نسمة في المنزل وحدها، وفجأة بعد وصولي العمل بقليل فوجئت بإتصال هاتفي من أحد الجيران يطلب مني الحضور بسبب أمر هام في المنزل، فتركت كل شئ وخرجت مسرعا إلى المنزل، وما أن وصلت حتى طلب مني الجيران الذهاب بإبنتي نسمة إلى طبيب لتوقيع الكشف الطبي عليها، ومعرفة إذا ما كان هناك شيئا في بطنها، كونها منتفخة حتى أن سيدة من الجيران قالت لي - روح أكشف عليها أحسن يكون ورم ولا حاجة - وفعلا أخدتها وجريت على الدكتور».

والد نسمة: لقيت واحد بينده عليها من الشباك

وتابع والد نسمة «روحت عند الدكتور في الدمياط وكشف عليها وبعد ما خلص كشف قالي أمال فين جوز بنتك، دي حامل في 5 شهور، قولتله حامل إيه هي مش متجوزة أصلا، وأخدتها ورجعت البيت ومعرفتش أعمل إيه ولا الدنيا هتمشي إزاي»، ولما قعدت في البيت أفكر شوية إفتكرت إنه من حوالي أسبوعين أو أقل أنا سمعت صوت واحد بيخبط على الشباك وبينده على نسمة ولما قومت لقيته جري على موتوسيكل وملحقتش أمسكه.

وأضاف والد فتاة دمياط قائلا «روحت عملت بلاغ في القسم في أن بنتي حصلها إعتداء وحملت في طفل من الإعتداء ده وإني سمعت صوت شخص وحاولت أمسكه معرفتش، وبعدين لقيت المباحث بتقولي بعدها أنه أتقبض عليه، ولما روحت أشوف في القسم عرفت أنه راجل عنده 60 سنة ومتجوز وعنده بنات متجوزة وبنت مخطوبة، ومكنتش فاهم إزاي يعمل حاجة زي دي مع بنت معاقة».

والد فتاة دمياط: عايز أسجل الطفل 

وأكمل والد فتاة دمياط «أنا مش بشوف النوم بعيني وعايش في مأساة مع بنتي، ودلوقتي هي خلاص خلفت والجيران هي اللي بتراعي الطفل ولو حصله أي حاجة بياخدوه ويكشفوا عليه، وأنا مش قادر على حاجة ولا عارف أعمل حاجة، والطفل دلوقتي عنده 6 شهور، ولسه مش متسجل وأنا عايز أسجله عشان التطعيم، أما نسمة فهي مش حاسة بالأمومة ومش عارفة تتعامل مع الطفل، ولا تغير له هدومه أو تأكله وهي عارفة أنه إبنها لكن معندهش إحساس الأمومة».