كان بيأكل الفرخة ويسيب لي العضم.. مأساة زوجة وحكايتها عن طلقيها |فيديو

زوجة وصلت إلى مأساة مع زوجها.. وبكلمات حزينة قالت «كنت أجيب فرخة يعملها مشوية يحط قدامه الحتت الحلوة ويرميلي العضم»، مشيرة إلى قصتها مع زوجها التي إنتهت بالطلاق.

عشرينية تجمع بين زوجين في قنا.. تزوجت إبن عمها رسميا وأخر عرفيا |ما القصة؟

مشهد مرعب بشقة البيطاش.. طلب شاي وضرب والدة صديقه ثم غرق في دمائه داخل الحمام

مأساة زوجة مع زوجها حتى الطلاق 

وقالت الزوجة لـ تحيا مصر، العلاقة الزوجية مفروض أنها ممنوعة في الشهور الأولى من الحمل، كان يجبرني على الممارسة عشان أسقط، في ناس جيراني جابوا ليا زوجي قالي أنا عايز أتجوز وكنت متجوز ومعايا عيلين ومراتى بتعملي مشاكل مع الجيران عشان كدا طلقتها وخدت العيال طفلة عندها خمس سنين والتانية سبع سنين فاتجوزته وكنت كل ما أحمل يسقطني.

زوجة: بيستعفى عليا وأنا حامل

وقالت الزوجة كان بيستعفي عليا في شهور الحمل الأولى عشان الجنس والمفروض أنه ممنوع في الشهور الأولى عشان كدا كل ما أحمل أسقط ومكنش عايزني أخلف عشان أربيله البنات وبصراحة كانوا كويسين معايا.. المرة الأخيرة الحمل ثبت فطلبت منه يجيب لي فستان حمل عشان الحمل بتاعي بان ساعتها رد عليا وقالي انا مش معايا فلوس أجيبلك بالرغم من ان هو موظف وعنده ورشة روحت اشتكيت لأخته وقلتلها انا زعلانة منه عشان مش عايز يجيبلي فستان حمل.. أخته قالتلي اقعدي عندي وكلهم غلطوه انه مش بيصرف عليا.

زوجة: بياكل الفرخة ويسيب لي العضم

وعند سؤال الزوجة عن سبب عدم الإنفاق عليها هل بسبب بخله؟.. فأجابت " هو بيحب ينزه نفسه يشتري عربية ويجيب عدة ويلبس حلو هو عايز واحدة لمزاجه لكن ميشلش مسؤلية، وانا حامل خدت بعضي وروحت عند أمي وولدت قيصري وكنت لوحدي بعد ما ولدت طلبت منه يطلع شهادة الميلاد لبنتي قالي لأ مش هعمل.. قلتله هتسقط كدا قالي خليها تسقط وافق بعدها يطلع الشهادة بالعافية وجه خدني طلبت منه يجيب لبنتي لبس قال لأ.. فقلت خلاص مش عايزة عيال منه تاني عشان دا مش بتاع عيشة ولا بيجيب حاجة في البيت.

زوجة: كان هيرمي البنت من الدور الرابع

وتابعت الزوجة كان يجيب الفرخة يشويها ويحط قدامه الحتت الحلوة ويرميلي أنا العضم.. كان عايز يطلعني من الشقة ويبيعها قلتله لأ اربطني بحبل.. قام ماسك بنتي وفتح الشباك وكان هيرميها من الدور الرابع ساعتها قلتله لأ انا هأخد بنتي وامشي وحاليابنتي داخلة ثانوية عامة وعايزة مصاريف فكلمت صاحب الشغل وروحتله عشان يشيل معايا المصاريف قالي أنا عايز ورقة رسمية بالمصاريف دي اتجوز قبلي ومعاها عيلين ميعرفش حاجة عن عيالها واتجوز واحدة بعدي معاها ثلاث عيال وانا بنتي دايما يقول مش هصرف عليها لو شفتها هرميها تحت عربية ومش عايزها.

كان عندي نزيف في صدري مرة واديله بنتي راحت مراته قالتله متجيبهاش تاني عشان لو جبتها هتطلق وراح طردها.. انا متبهدلة في المحاكم عشان مصاريف الدراسة كل ما أقوله يقولي مفيش انا مش قادرة افرط في بنتي لمرات ابوها تشغلها خدامة عندها لأولادها، بنتي ١٦ سنة في حضني عمره ما صرف عليها ولا جاب ليها كيكاية لما انت مش عايز تصرف اتجوزت كذا واحدة ليه أنا قايمة بدور الأم والأب والأخ غفيرة لبنتي.. دي حتى مش معاها تليفون عشان تدخل على جروب الدراسة.. ومدلع مراته وولاده التانيين وكل حاجة بعملها لبنتي حتى عملية اللوز عملتها لها على حسابي وبياكلها قبل ما أكل ومرضيتش أتجوز عشان خاطرها.