بسمة وهبة عن سفرها لـ لندن: والله ما جاية اتفسح متنبروش عليا أنا جاية اتعالج

كشفت الإعلامية المصرية بسمة وهبة عن سبب سفرها إلى لندن، مؤكدة على أنها ذهبت للعلاج وليس للتجول والاستمتاع.

تحيا مصر يرصد سبب سفر بسمة وهبة إلى لندن. 

سبب سفر بسمة وهبة إلى لندن

ونشرت بسمة وهبة، مقطع فيديو عبر خاصية ستوري على حسابها الشخصي بموقع تبادل الصور والفيديوهات القصيرة انستجرام قالت فيه: والنبي استحلفكم بالله ما تنبروا عليا والله ما جاية أتفسح في لندن.. تصدقوا بالله أنا بنزل من غير فلوس في لندن عشان الحاجات هنا مولعة نار.

وأضافت: أنا جايه رحلة علاج والله العظيم ادعولي ما تنبروا عليا أنه يشفيني ويكتبلي الحج.. والنبي ما تنقوا ولا تنبروا عليا وهاخدكم جولة معايا بكرا عند الدكتور والمستشفى عشان ترتاحوا وتدعوا من قلبكم.

تصريحات بسمة وهبة في et بالعربي

على الصعيد الآخر، قالت بسمة وهبة خلال لقائها في برنامج إي تي بالعربي: اللي عمله محمد فؤاد في حلقة العرافة كانت حركة ندالة جدًا منه وكل اللي شغالين في البرنامج لأنهم عارفين أنا نقطة ضعفي ولادي.

وتابعت: من ساعة ما انفصلت عن والدهم وهما صغيرين وعاشوا معاه في بلد تاني وأنا في بلد وأنا مُت من يومها من غير ما اتدفن وده كان قهر بالنسبالي وعذاب.

وأضافت: محمد فؤاد غناها عشان ينكد عليا ويكسرني قبل الحلقة وقالي انتي جاهزة وأنا استغربت، وفي كمية غدر كبيرة في البرنامج ده.

واستطردت: اللي بيقول أنا بتدخل في الحياة الشخصية، المفروض الضيف اللي يقول كده، وأي ضيف بيقولي أحذفي الحتة دي بوافق واتحدى أي ضيف يقول إني محذقفتش جزء هو قالي عليه ، لأن أنا كلمتي بتبقى عقد.

وأردفت: اكتر حلقة  اتشال منها حاجات كانت حلقة رانيا يوسف لإنها صريحة جدًا وعلا غانم طلبت حاجات كتير تتشال.

بسمة وهبة تكشف عن سبب بكائها في حلقة محمد فؤاد

وسبق وكشفت بسمة وهبة عن سبب بكائها في حلقة محمد فؤاد قائلة: “ولادي مش عايشين معايا من صغرهم وكل واحد في بلد .. زمان لما كنت بسمعها مكنتش بضعف كده لكن دلوقت أنا كبرت في السن وبقت مشاعري متستحملش حاجة .. بتأسف لـ أولادي أنهم شافوا دموعي بس الأغنية صعبة للي مفتقد بني أدم  .. زعلانه منك ومش مسامحاك يا محمد يا فؤاد”