مش وش الأماكن دي.. هاجر في قضية خلع: مش عايز يوديني دهب

مش عايز يوديني دهب.. ويقولي إنتي أخرك تروحي راس البر، بهذه الكلمات سردت هاجر قصتها مع زوجها، التي بدأت بعد زواجها منه بثلاث سنوات، عانت فيهم هاجر في كل يوما ولكنها كانت تنتظر يوما تتغير فيه طريقة زوجها، حتى أنتهى بها المطاف أمام محكمة الأسرة ببولاق الدكرور.

كان بيأكل الفرخة ويسيب لي العضم.. مأساة زوجة وحكايتها عن طلقيها |فيديو

صور ومقاطع مزيفة.. قرار عاجل بشأن المتهم بابتزاز الفنانة راندا عبدالسلام

هاجر تطلب الخلع من زوجها

وقالت هاجر في قصتها مع زوجها «أنا عندي 29 سنة ومن حوالي 4 سنين هاني أتقدم لأهلي عشان يتجوزني، وفضلت سنة مخطوبة وجهزت شقتي وحاجتي، وبعدها أتجوزنا، وكانت أول مشكلة بينا أنه عايز يوديني شهر العسل في إسكندرية ونرجع وأنا كنت عايزة أروح شرم الشيخ ولا الغردقة زي أي بنت وقولتله لو في مشكلة في الفلوس، نشارك سوا فيهم ونسافر، دي مرة في العمر، قالي لا مش فلوس بس الأماكن دي ليها ناسها، وعشان متزعليش هوديكي العين السخنة، وبعد خناقات في أول كام يوم جواز سافرنا الغردقة بالعافية».

هاجر: شهر العسل كان أسود أيامي

وتابعت هاجر «وإحنا في الغردقة كان هاني بيتكسف تقريبا يمشي معايا أو يظهر معايا كتير، وكان ينزل معايا المطعم أو نروح الشاطئ أو حمام السباحة وهو عامل نفسه أخويا مثلا، وكأني عار أو مش عاجبه شكلي وطريقتي، وطبعا ربنا يعلم بالأسبوع ده كان أسود أيام في حياتي، مع أن كل البنات مستنية الأسبوع ده والأيام الأولى في الجواز، لكن هو خلاني أكره حياتي».

هاجر: قولتله نروح التجمع وداني مطعم في إمبابة

وأضافت هاجر في قصتها مع زوجها «لما رجعنا أنا كنت بقول لنفسي هل هو بخيل، بس بدأنا ننزل ونخرج مثلا يوديني وسط البلد وقهاوي قديمة وميرداش أبدا أننا نروح كافيه على النيل أو حاجة عالية، وقولتله في مرة هعزمك في التجمع الخامس في مطعم حلو، قالي لا لا بعيد ومش مهم، وخليها عليا ووداني أكل في مطعم مشهور في إمبابة وقالي إنتي مش عارفة المكان ده عامل أزاي».

وأختتمت هاجر قائلة «وطبعا خلال 3 سنين جواز شوفت اللي محدش شافه من جوزي، بس إستحملت وقولت بكرة يتغير والأيام تعرفه، لكن مفيش فايدة، من شهر قبل ما أرفع قضية الخلع طلبت منه نسافر دهب، قالي إنتي أخرك تروحي رأس البر قولت بيهزر معايا، قولتله ليه يعني، قالي أنا وافقت بالعافية على الغردقة في بداية الجواز وأنتي مش وش الأماكن دي ولا أنا، إحنا خلينا كدة، قولتله طيب أحنا معانا فلوس الحمد لله، قالي مش قصة فلوس، الأماكن دي ليها ناسها، وحصلت بينا خناقة وتركت البيت وذهبت إلى أهلي ولم يسأل عني، وذهبت إلى المحكمة لرفع قضية خلع».