7 سنين تعذيب|زوجة أب شيطانة في الغربية.. طفلة زوجها: بغسل هدومي على إيدي وأشرب المياه بتاعتها.. فيديو

زوجة أب في صورة شيطان بمحافظة الغربية.. أقامت حفلات تعذيب على أطفال زوجها لمدة 7 سنوات، ما بين الضرب والسب والشتائم، وكانت الأطفال خائفة من إخبار والدهم بما يحدث لهم طوال هذه الفترة.

أكلة حرشة.. فاطمة تطلب الخلع: عايز كوراع وعكاوي وأنا مش بحبها

لحقوها يوم الحنة.. إحباط محاولة زواج قاصر في قنا

مأساة طفلة وشقيقها مع زوجة أبيهم في الغربية

روت الطفلة روضة ما حدث معها على يد زوجة والدها، قائلة أن معاناتها مع زوجة والدها بدأت قبل 7 سنوات، نالت فيهم الطفلة جميع أنواع العذاب على يديها، ولم تستطيع أن تخبر والدها خوفا من بطشها.

وسردت طفلة الغربية لـ تحيا مصر قائلة «مرات أبويا كانت ديما بتضربني بالسلك وبالحزام، بقالها 7 سنين بتعذب فيا أنا وأخويا زياد، وفي مرة ضربتني بالخرطوم في الحمام، ده غير ضرب الشباشب كل شوية والأقلام والشتائم بتاعتها».

طفلة الغربية: سبع سنين تعذيب وضرب وإهانة

وتابعت الطفلة روضة قائلة «مرات أبويا من ساعة ما جت وهي بتعذبنا، كانت بتخليني أغسل هدومي على إيدي وبعد ما أخلص تقولي إشربي المياه بتاعت الغسيل، ده غير أنها كانت بتقطع شعري وبعدها تحطه في مياه وتقولي إشربيها».

وأضافت الطفلة قائلة «إحنا من الغربية ومرات أبويا محدش يقدر يقولها لا، أو مثلا بتعملي فيا كدا ليه، أو بتعذبيني ليه عشان لو سألتها كانت بتزود في العذاب والضرب، فأنا وأخويا زياد كنا بنسكت ومنعرفش نحكي حاجة أو نتكلم معاها».

روضة: مرات أبويا بتضربني بالسلك 

وأشارت طفلة الغربية قائلة «كنت بخاف أنا وزياد نحكي لبابا إي حاجة من الحاجات دي عشان متضربناش أكتر، ولما بابا سألني في مرة أنكرت كل حاجة وقالي لو مضايقة من حاجة قوليلي لكن أنا كنت خايفة أقوله عشان لو هي عرفت كانت هتضربني».

وأختتمت الطفلة قائلة «هي كانت بتكرهني وقالتلي أكتر من مرة أنا هقطع من لحمك، هي مش بتحبني أنا وزياد مع أن كل الناس بتحبني وبتقول عليا هادية، حتى في الدروس والمدرسة الناس بتحترمني جدا وهي مش عايزاني أذاكر وبتحطلنا أكل قليل أنا وزياد، وكنا بناكل ونسكت، ولما كنت بقول أي حاجة كانت تنيمني على السرير على بطني وتضربني على ضهري بالسلك وأنا معرفتش أقول لبابا أي حاجة من الكلام ده عشان كنت خايفة».