أكلة حرشة.. فاطمة تطلب الخلع: عايز كوراع وعكاوي وأنا مش بحبها

بيحب الأكل وأنا مش بعرف أعمل الأكلات دي.. بهذه الكلمات سردت فاطمة مشكلتها مع زوجها، حيث تقدمت بدعوى خلع من زوجها في محكمة الأسرة بالمعصرة، تطلب التخلص من زوجها بسبب طلباته المتكررة عن أكلات شعبية لا تأكلها ولا تعلم كيفية عملها.

البصمة على بياض.. مقطع فيديو يقلب الأمور في أزمة حسن شاكوش وزوجته

بحبها ياماما وعايزها.. قاصر يحاول إنهاء حياته بسبب رفض خطبته في الدقهلية

فاطمة تطلب الخلع من زوجها

وسردت فاطمة في شكواها ضد زوجها تفاصيل مثيرة قائلة «أنا عندي 30 سنة وجوزي أكبر مني بسنتين، ومن ساعة ما أتخرجت وأنا قاعد في البيت وما أشتغلتش ولا خرجت من بيت أهلي كتير، وأنا عندي 28 سنة أتقدم جوزي لأهلي عن طريق صاحب بابا عشان يخطبني، وأتفق مع أهلي وجه البيت فعلا وقرينا الفاتحة، وبعدها أتخطبنا وكانت الأمور عادية، وكنت بعمله أكل لما يجي البيت كل أسبوع، ملوخية وفراخ ومكرونات، الأكل العادي اللي بناكله كلنا، وهو كان يهزر ويقولي عايزين حاجات كدة - حرشة - بدل أكل العيانين ده».

زوجة تستغيث: بيحب العكاوي والكوارع

وتابعت فاطمة لـ تحيا مصر، كنت باخد كلامه هزار واضحك ومردش عليه، وفضلنا نجهز شقتنا والعفش عشان نتجوز وبعد 8 شهور أتجوزنا فعلا، وقالي خلي ماما تجيب حمام وعكاوي وكوارع في عشاء ليلة الدخلة، وقولتله أنا مش باكل الأكل ده، قالي أبقى كلي أنتي مكرونة وجبنة، وماما جابت له الأكل اللي هو طلبه، وأكله وأنا أكلت فراخ وكفتة وكنت قاعدة قرفانة من الأكل ده ومش عايزة أصلا أقعد معاه.

فاطمة: كان عايز ياكل الجوهرة ولسان العجل

وأضافت فاطمة قائلة «سافرت أنا وهو شهر العسل في الغردقة وكان بيسأل في الفندق عن الأكلات اللي بيحبها دي، ومكنش في كان بياكل لحمة وساعات أسماك وخلاص، وما ياكلش الرز والمكرونات والحاجات دي، ولما كنت بقوله تعالى ننزل نفطر يقولي الفطار ده بتاع عيال صغيرة خلينا في الأوضة لحد الغدا، وبعدين رجعنا البيت كان كل يوم عايز أكل من الحاجات دي كوراع وعكاوي وممبار ولسان وشوية يقولي الجوهرة، ولما سألته إيه الجوهرة دي قالي دي عيون الجاموسة».

وأكملت فاطمة «أنا أكل عيون الجاموسة ولسانها ليه، ما أنا أكل لحمة زي الناس الطبيعية، لكن هو كان ديما عايز الأكل ده ومش عايز غيره، وحاولت كتير إني أغير من طبعه بس هو مش عايز يقتنع، أخر ما زهقت روحت محكمة الأسرة طلبت خلع منه».