أحمد سعد يكشف عن كواليس بروفات حفل عقد قران ولي عهد الأردن

كشف الفنان أحمد سعد عن كواليس بروفات حفل نفرح بالحسين، المقرر إقامته يونيو القادم، بالمملكة الأردنية الهاشمية.

تحيا مصر يرصد كواليس بروفات حفل نفرح بالحسين.

بروفات حفل نفرح بالحسين

ونشر أحمد سعد صورة من البروفات عبر حسابه الرسمي بموقع تبادل الصور والفيديوهات القصيرة انستجرام، وعلق عليها قائلًا: من بروفة حفل نفرح بالحسين، وهو من ليالي أفراح عقد قران سمو الأمير الحسين بن عبد الله الثاني، ولي العهد على الآنسة رجوة خالد آل سيف.

تصريحات أحمد سعد

وفجر أحمد سعد عدة تصريحات قائلًا: أمي دعت لي وزوجتي وشها خير عليا، وبتدخل في كل حياتي، وكان وشها قدم السعد وبتحبني أطلع بشكل معين ودايمًا مركزة معايا.

وأضاف: الناس اللي بتحبك بيكون نصيحتهم ليك خالصة مفيهاش شوائب.. وطريقة النصيحة غريبة وصعبة لأني شخص مش بحب النقد، وهي بتنتقدني ليه عملت كده في الوقت ده وأنا أطلع مبررات بعد 10 دقايق أحس كلامها مظبوط.

آخر أعمال أحمد سعد

جدير بالذكر أن أخر أعمال أحمد سعد هي أغنية فوق واتعلم والتي طرحها مؤخرًا عبر قناته بموقع الفيديوهات العالمي يوتيوب، وحققت الأغنية ما يقرب من 500 ألف مشاهدة، وهي  من ألحان وليد سعد، وتوزيع الموسيقيين أحمد طارق يحيى وإسماعيل نصرت، ومهندس الصوت هاني محروس.

كلمات أغنية فوق واتعلم احمد سعد

الدنيا كدة فوق واتعلم
تاخد حاجة وتسيب حاجة
واللي يعوز يكسب من كله
صدقني ولا بيكسب حاجة

انت اللي بتكتب نهايتنا
وعنادك قصر سكتنا
انا خدت الحلو في حكايتنا
ومفارق مش خسران حاجة

مش عايز تتنازل مرة
طب بالمرة خد سكة وروح
انسى انك تتعلم فيا
او يا عنيا انا ابات مجروح

ممنعتش عنك احساسي
انت اللي مشاعرك كدابة
واليوم مليت من حكايتنا
ما تصدق تبكي على ربابة

كان لازم اسيبك من يومها
في حاجات لازم تتعلمها
قبل ما تشكي الناس وتلومها
شوف نفسك قبل ما تتغابى