طليقها هو اللي جابلها المرض.. صديقة ريم طارق زوجة حسن شاكوش تكشف مفاجآت جديدة

ظهرت نرمين حمدي، صديقة ريم طارق زوجة حسن شاكوش، في بث مباشر عبر حسابها الشخصي على موقع تبادل الصور والفيديوهات إنستجرام، لتوضح بعد الأمور في أزمة حسن شاكوش وزوجته، وفي ذلك التقرير سنرصد أبرز تصريحاتها في البث المباشر.

تحيا مصر يرصد تفاصيل تصريحات صديقة ريم طارق

أبرز تصريحات صديقة ريم طارق

• مفيش أي مشكلة صحية عند ريم وأنا بتكلم بلسانها وبعلمها
• حسن شاكوش كان عارف أن ريم متجوزة
• طليقها طالع يشهر بيها ويشهر بسمعتها وهو أصلا اللي جابلها التعب
• طليق ريم عليه أحكام 10 قواضي
• ريم طارق لسه مرات حسن وهيقعدوا مع بعض ولسه هيتكلموا
• المشكلة بين ريم وحسن شاكوش كبرت لما طليقها اتدخل

تعليق والد ريم طارق على أزمة ابنته مع زوجها حسن شاكوش

وسبق وأن حرص والد ريم طارق، زوجة المطرب الشعبي حسن شاكوش، التعليق على أزمة ابنته مع زوجها، التي أثيرت أمس، وتصدرت تريند مواقع التواصل الاجتماعي.

وقال والد ريم طارق في مداخلة هاتفية له ببرنامج صبايا الشمس: بنتي زوجة حسن شاكوش لحد اللحظة دي، وكل اللي بيجيبوا ربنا كويس، فيه إجراءات قانونية وأتمنى أن العدل يطبق على الجميع، والحق إن شاء الله هيجيي.

والد ريم طارق: بنتي حالتها النفسية ممتازة

وتابع: أي حاجة اتكتبت طالما مش على لساني متعتبرهاش حقيقية، وهو من حقه يطلقها، واحنا في بلد شرقي ومش هينفع نتكلم في أي حاجة طالما فيه علاقة قائمة بننا وبينه، وأتمنى الأمور تتحل من غير أي حاجة وإن شاء الله حقنا جاي.

واختتم حديثه: بنتي محصلش تعدي عليها هي معجبهاش الوضع، المحضر معمول بالحقوق الشرعية بتاعت بنتي المؤخر والقايمة وحاجات كتير، وحالة بنتي النفسية ممتازة واحنا مبسوطين جدا جدا وفرحانين.

أزمة حسن شاكوش وزوجته

وكانت قد أثيرت منذ عدة أيام أزمة بين المطرب حسن شاكوش وزوجته ريم طارق، بعد أن حررت الأخيرة ضده محضرًا تتهمه فيه بطردها من المنزل وسرقة ذهبها ومؤخرها.

وبعدها كتبت رضوى الشربيني عبر حسابها بموقع فيسبوك: كدة يا حسن تطرد بنت الجيران بعد ما سجدت لربنا سجدة شكر قدام الناس كلها علشان اتجوزتك و كمان تدخلها القسم بعد شهرين جواز يا راجل!.