ندى الكامل لـ منتقدي مظهرها: متبقيش تبصي عليا لو مضيقاكي وهنزل المتر في متر لوحدي

حرصت ندى الكامل طليقة الفنان أحمد الفيشاوي الرد على متابعة انتقدت مظهرها وصورها الجريئة والمثيرة للجدل، موجهة رسالة صارمة لها بعد سؤالها عن الخوف من الحساب مؤكدة أنها ستحاسب بمفردها.

تحيا مصر يرصد في ذلك التقرير رسالة ندى الكامل لمنتقدي مظهرها

ندى الكامل لـ منتقديها: كلنا خايفيين من الحساب ومش عايزين ناخد ذنوب 

وأتي سؤال إحدى متابعين ندى الكامل على هذا النحو: “مش بتحسي انك بتبيني جسمك بزيادة، مش بتخافي من الحساب أول تكوني بتاخدي ذنب عن كل حد بيشوف صورك كدة؟".

لترد عليها ندى الكامل، قائلة: “يعني إيه مش بخاف من الحساب ومش خايفة أخد ذنب؟ ما طبيعي كلنا خايفين من الحساب ومش عايزين ناخد ذنوب، بتفصليني عن باقي البشر ليه؟ كلنا عندنا نفس لوامة أو معظمنا، وأظن دا أحسن بكتير من النفس الأمارة بالسوء”.

ندى الكامل: هنزل المتر في متر لوحدي واللي مش عاجبه شكلي ميبصش

وتابعت موجهة حديثها لـ تلك الفتاة: ركزي في نفسك عشان ترتاحي ومتبقيش تبصي عليا لو مضايقاكي، أنا لوحدي جيت ولوحدي عشت وبردو هنزل المتر في متر لوحدي، ساعتها أنا اللي هكون ملزمة أرد على السؤال دا وقتها، لكن مش ملزمة أرد عليه حاليًا.

ندى الكامل عن جسدها: مش كل اللي بنشوفه على انستجرام صح.. كله متزوق

وردت ندى الكامل أيضًا رد مفاجئ لمتابعة تأمل في أن يصبح جسدها كجسد ندى الكامل، لتقول لها: “والله نفسي اديهولك بس مش كل اللي بنشوفه على الانستجرام صح.. كله متزوق وأكيد انتي عندك اللي بيميزك عن غيرك بس حاولي تشوفيه وتحبيه، واتمرني وكلي كويس وشوفي دكتور تجميل الموضوع ده بقى عادي ومش محرج خالص بس في المعقول اللي يتصدق”.

وأكدت ندى الكامل أنها لازالت عزباء ولن تفكر في الزواج مرة أخرى بعد طلاقها من الفنان أحمد الفيشاوي، مؤكدة أن تجربتها في الزواج كانت سعيدة جدا ولكن لا تتمنى تكرارها مرة أخرى.

وسبق وأن تحدثت ندى الكامل عن مواصفات رجل أحلامها، فقالت: “معنديش مشكلة اتجوز تاني وعايزة راجل يكون إنسان زكي وجميل وتعليمه جيد ومشغول دائما ودمه خفيف وحاليا مفيش أي تفكير غير في حياتي وأزاي أكون مبسوطة”.