كنت هتجوز رقاصة ولو دربت الزمالك هجيب مدير كرة من الأهلي.. تصريحات نارية لـ مصطفى يونس

فجر مصطفى يونس نجم فريق الأهلي السابق عدد من التصريحات خلال حلوله ضيف على برنامج رامز نيفر إند المذاع عبر قناة Mbc مصر.

تحيا مصر يرصد تصريحات مصطفى يونس في رامز نيفر إند.

أبرز تصريحات مصطفى يونس 

وقال مصطفى يونس: كنت هتجوز رقاصة بترقص في شارع الهرم، هاني رمزي خليفتي و الأهلي نادي القارة.. لو دربت الزمالك هجيب مدير كرة من الأهلي وهو سيد عبد الحفيظ.

أكد الكابتن مصطفى يونس، نجم النادي الأهلي ومنتخب مصر الأسبق، أنه عنيد في الحياة الزوجية، ويعشق أولاده مصطفى وميار، ولذا تزوج من أربع سيدات.

وقال يونس: كل زوجاتي الأربعة اللاتي تزوجتهن كن أهلاويات، وكل الزيجات التي تزوجتها بناء على الحب، فشلت، أما الاختيار بالعقل فهو الصواب لأن الحب يأتي بعد الزواج، مؤكدا أن زوجته الحالية هي "السند وست جدعة".

برنامج رامز نيفر إند 

على الصعيد الآخر، قال الفنان محمد فؤاد:"والله العظيم مكنتش أعرف اللي هيتعمل معايا في مقلب رامز جلال، والفخ بيبقى مرسوم أن الضيف ميعرفش لأن الضيف لو عرف باظت الحلقة، بس إحنا عارفين أننا رايحين لرامز واللي بيقول غير كده يبقى كداب".

محمد فؤاد يرد على جدل مقلبه في رامز نيفر إند
وأضاف خلال لقائه ببرنامج "العرافة" الذي تقدمه بسمة وهبة بقناة "النهار":"إحنا عارفين أن رامز جلال مجنون وممكن يتسبب في مصيبة، كنت عامل بحث علي أن فيه حاجة بتتشد ونطلع ناكل وبتاعه بتتهز وكلام فاضي بس كنت رايح وأنا مرعوب، بس قلت المقلب مش هيبقى جامد وكنت متخيل المقلب يبقى في المطعم الطائر مش الغسالة، وقلت همسك في الكرسي كويس وبعدين أضرب رامز جلال، ولكن فوجئت أنهم دخلوني الغسالة وأقسم بالله مكنتش أعرف عنها حاجة".

وتابع:"أي مشاركة مع رامز جلال بعيدا عن المآخذ اللى عليه وانه ممكن يتلفظ، ولما عملت تجربة فؤش والمعسكر يمكن علشان أشاور لرامز أنه ممكن يعمل مقلب من غير ما يهين حد ويعطيه قيمته كفنان ولا يقول فيه كلمة مسيئة ولا يتلفظ عليه بأي شكل فيه إساءة له كفنان وتاريخ وكأي شيء، ولكني لم أشترط على رامز أنه ميهنيش ولا يسئ ليا والمفروض يكون واعي لكده، ولما شارك معايا في فيلم وريته كل نجاح وفلوس وكل شيء طيب ولم أهينه".

وأكمل:"رامز جلال دايما بيزعل الناس منه من التعليقات وازاي يقول عليا إني زي الكورة ومينفعش الناس اللى بتحبني يزعلوا منه".