ميدو: «زعلان على كهربا.. واللاعب بيعمل تصرفات ملهاش لازمة»

علق أحمد حسام ميدو على قرار لجنة الانضباط بالاتحاد المصري لكرة القدم، بشأن إيقاف محمود عبد المنعم كهربا لاعب الأهلي 12 لقاء فضلا عن توقيع غرامة مالية عليه قدرها مليون جنيه، وكذلك القرارات الصادرة بشأن رئيس نادي الزمالك مرتضى منصور.

ميدو: كهربا كان يقدر يكون مهاجم منتخب مصر الأول 

قال ميدو في تصريحاته عبر برنامج الريمونتادا على قناة المحور: "سعيد بتفعيل دور لجنة الانضباط بالاتحاد المصري لكرة القدم، وإصدار قرارات حازمة على الجميع، سواء رئيس نادي الزمالك أو محمود عبد المنعم كهربا لاعب الأهلي".

وأضاف: "الحقيقة أنا زعلان على كهربا، يقدر إنه يكون مهاجم منتخب مصر الأول، وكلنا أشادنا به على تركيزه خلال الفترة الماضية لكن للأسف كهربا بيضيع كل اللي بيعمله بتصرفات ملهاش لازمة واستفاد ايه لما راح غنى مع الجمهور بالشكل ده، استفدت السعادة اللحظية اللي هي وقتها لكن مفكرش في ايه ممكن يحصله بعد كدة حرام لاعب زي كهربا يمر بالمشاكل دي في مسيرته، وكان ممكن يتفادى معظم المشاكل دي".

ميدو: كهربا بيظلم نفسه بتصرفات تافهة

يرى أحمد حسام ميدو، أن محمود عبد المنعم كهربا لاعب الأهلي يظلم نفسه بتصرفاته.

وقال ميدو في تصريحاته عبر برنامج الريمونتادا على قناة المحور: "كهربا بيضيع كل اللي بيعمله عشان خاطر تصرفات كان ممكن يتفادى تلك التصرفات تماما".

وأضاف: "كل واحد بيحاسب على فاتورته لوحده، وحسابه لوحده، بيعمل حاجات ملهاش لازمة تصرفات تافهة من وجهة نظري".

واختتم: "كهربا بيظلم نفسه باللي بيعمله، ولازم يركز في الملعب الناس في مصر ما بتصدق تلاقي لاعب كويس".

ميدو: عقوبة كهربا سيتم تخفيفها.. وهذه رسالتي له

كشف أحمد حسام ميدو، رد فعل الأهلي بعد عقوبة محمود عبد المنعم كهربا والذي تم إيقافه 12 مباراة من جانب لجنة الانضباط بالاتحاد المصري لكرة القدم.

قال ميدو في تصريحاته عبر برنامج الريمونتادا على قناة المحور: "كهربا سيستمر في المشاركة في المباريات خلال الفترة المقبلة بعد تقدم الأهلي باستئناف أو تظلم على العقوبة الصادرة ضد اللاعب".

وأضاف: "العقوبة سيتم تخفيضها بالطبع، ولكن أقول لكهربا لابد من أن تتعلم"، واختتم: "كهربا بوظ كل اللي عمله وكل ده بيعلمك إن إنت بتعطل نفسك بنفسك".