عمر مااستخفيت بحد وعيشت طول عمري بحب سعاد حسني.. أبرز تصريحات محي إسماعيل

حل الفنان محي اسماعيل ضيف على برنامج “أنا والقناع”، الذي تقدمه الإعلامية منى عبد الوهاب عبر شاشة قنوات الحياة وسي بي سي، والذي كشف خلال مجموعة من التصريحات الجريئة وتفاصيل عن حياته الشخصية يرصدها تحيا مصر خلال السطور التالية.

تصريحات محي اسماعيل في أنا والقناع

• الثقافة تنوير وعلم والواحد بيلمع الجلخ اللي كان على مخه اطبلوا العلم ولو في الصين، وثقافتي خلت الناس كلها قريبة مني.
• أنا انسان متواضع جدا، الوحدة أحيانا بتكون جزء من العطاء ومعاها بستثمر نفسي.
• الزواج عايز وقت والراجل اللي ميديش وقت لسته يستحسن ميتجوزش.
• أنفقت وقتي في السفر والظفر والقراءة والعطاء وحب الناس.
• محي اسماعيل: الناس في شهر رمضان بيبقوا في منتهى الرقة بعد رمضان متعرفيش اي بيحصلها
• اتجوزت وزوجتي توفت وكنت بحبها جدا وربنا بيدي نعمة للانسان وهي النسيان ولو كل حاجة قعدت أفتكرها مخي هيتفجر.
• مفيش حد محبش سعاد حسني وأنا حبتها وأنا صغير والحب فيه حوادث مقدرش عليه هي سيندريلا وأنا كنت صغير وعيشت طول عمري بحبها هي اسطورة السينما لا يسبقها أحد مع احترام لـ هند رستم وشادية.
• أما بقرب من أي واحدة بكون حريص جدا لأن المرأة أقوى من الرجل بمراحل والحياة إمرأة وليست رجل.
• محدش مثالي على الأرض وأضيفت شيء للسينما مكنش موجود قبلي سهل جدا أعمل الأدوار الكوميدي انا كوميدي في حياتي.
• عمري ما استخفيت بحد وعمري ما قولت كلمة جارحة أنا عندي رقابة جوايا على كل شيء.
• اللي شهرني موهبتي لكن الأقوى من الموهبة إن يجي مخرج ويحط ايده عليها حسام الدين مصطفى قال هو ده وكان وعملت الإخوة الأعداء ودلوقتي أنا كويس
•  أنو السادات كان راجل عظيم وحقق حجات كتيرة لمصر، أحمد زويل كان صديقي وكنت بزوره دايما.

محي اسماعيل يثير الجدل بتصريحاته 

وكان قد أثار محي إسماعيل الجدل منذ فترة طويلة بتصريحات قال فيها: “أنا رصيدي في البنك ربع مليون جنيه ويكفوني خمس أو ست شهور جايين، وبعيش بـ 30 ألف جنيه في الشهر، مش بندم على اي عمل برفضه وساعات برفض مسلسلات بمليون جنيه عشان انا يكفيني 30 الف جنيه في الشهر والتوازن مطلوب وأنا جاي الدنيا في رحلة وهمشب واسيب كل حاجة”.