زوجة تصرخ: جوزى بيشرب حشيش فى نهار رمضان وبيقول مش عارف أبطل

كان مواعدنى أنه هيصلى ويصوم فى رمضان وبقى بيعمل حاجات أوحش من الأول .. بتلك الكلمات روت زوجة لتحيا مصر من داخل محكمة الأسرة عن زوجها الذى يتعاطى المخدرات أثناء صيام رمضان مما يشعر الزوجة بالنفور منه والكراهية تجاه أفعاله وتصرفاته حتى قررت الأنفصال عنه ورفع عليه دعوى خلع بمحكمة الأسرة .

حسن الخاتمة.. ماتت صائمة معتمرة ودُفنت في أطهر بقاع الأرض|قصة الحاجة هبة

وحدها تصارع النيران.. تفاصيل مأساوية في وفاة الطفلة كندة بحريق شقة القليوبية

جوزى مبيعملش حاجة صح فى دنيته

بدأت الزوجة حديثها لتحيا مصر :" أنا وجوزى متجوزين من 13 سنة وعندنا 3 بنات جوزى من قبل ما يتجوزنى وهو كان بيعمل تصرفات كتير غلط بس لما حبينا بعض وعدنى أنه هيتغير عشانى لكن اللى حصل هو العكس وبعد الجواز بقى أوحش من الأول بكتير ومبقاش يعمل حاجة صح فى حياتى بقى مصاحب شلة رجالة مش كويسة وبيشرب معاهم حشيش وآيس وبيجيبوا بنات فى الشقة وبيعاكسوا بنات الناس فى الشارع ويوقعوا ناس معاهم فلوس عشان يسرقوهم وينهبوا كل اللى معاهم وييجى جوزى فى الآخر يأكلنى انا وولادى من فلوس حرام ".

وعدنى أنه هيصوم ويصلى السنة دى وبيصحى يفطر بالحشيش 

وتابعت الزوجة حديثها :" جوزى السنة دى لما لقانى بقرب من ربنا وبصلى وبصوم حس بتأنيب الضمير وقالى " أنا سعيد أنى متجوز أنسانة كويسة زيك تفوقنى من اللى أنا فيه وأوعدك هصلى وأصوم معاكى السنة دى يمكن ربنا يرضى عنى وحالنا يتغير " وبالتالى أنا كانت الفرحة مش سايعانى لكن سعادتى دى مكملتش ومجرد ما بدأ الصيام كان جوزى بيصحى يلف سيجارة الحشيش ونسى كل كلامه ووعوده ليا ولما حاولت أتكلم معاه وأقوله أن اللى هو بيعمله ده حرام ويبطل اللى بيشربه ده على الأقل فى شهر رمضان قالى " غصب عنى بشربه بقالى سنين ومش عارف أبطل".

بيطلب منى مخالفة الشرع والدين فى نهار رمضان 

وأختتمت الزوجة حديثها :" جوزى مكتفاش أنه بس يشرب حشيش فى الصيام لا ده كمان بيطلب منى مخالفة الشرع والدين وأنا صايمة ولما برفض " أنتى مراتى والمفروض تسمعى كلامى ولا هتفرحى لما أروح أتجوز عليكى " ومن هنا كنت قررت أنهى علاقتى بجوزى وبعد كلامه فى اليوم ده لميت هدومى وخدت ولادى وروحت لبيت أختى وقالتلى " أخلعيه وأرتاحى منه ده راجل مبيخافش ربنا وعيشتك معاه هتدمر مستقبل ولادك وتدمرك " وبالفعل سمعت كلامها وجيت المحكمة عشان أخلعه وعوضى عند ربنا ".