زوجة تصرخ: ضيعت 500 جنية.. ضربنى على الفطار وطردنى على السحور

جوزى عنده الفلوس أهم منى ومن ولاده ورمانى فى الشارع بسببها ... بتلك الكلمات روت زوجة لتحيا مصر من داخل محكمة الأسرة عن زوجها الذى تعدى عليها بالضرب وطردها فجراً بسبب مبلغ مالى سقط منها بدون قصد لتلجأ الزوجة لمحكمة الأسرة لرفع عليه دعوى تمكين من مسكن الزوجية ودعوى ضم لصغارها.

غيرانة انه هيتجوز.. زوج في دعوى نشوز: مراتى بعتت رسالة لجوزها الأولانى عشان ترجع له

عشان ياخدوا راحتهم في الحرام.. الثلاثينية خططت وعشيقها أزهق روح زوجها في كفر الشيخ

جوزى بيخاف على فلوسه 

بدأت الزوجة حديثها لتحيا مصر :" أنا وجوزى متجوزين من 6 سنين وعندنا ولدين جوزى مش بخيل بس حريص على القرش جداً هو شغال مقاول والظروف المادية معانا ضيقة شوية بس ربنا بيرزق من عنده وده مخلى جوزى دايماً بياخد باله من اى جنية بيتصرف ودايماً لو عيالى صرفوا فلوس كتير من اللى هو بيسبهالنا فى البيت قبل ما يروح الشغل ورجع لقاها كلها خلصت بسبب أنها بتبقى قليلة واحتياجات ولادى بتبقى كتير  بينزل فيا ضرب قدام عيالى ويقولى " حرام عليكى أنتى متعرفيش أنا بتعب فى القرش وبشقى فيه أزاى " .

بيهددنى أنه هيطلقنى ويتجوز واحدة بتصون القرش 

وتابعت الزوجة حديثها :" جوزى دايماً بيهددنى أنه هيطلقنى ويتجوز واحدة بتصون القرش أكتر منى ومصاريفها مش كتير طب انا ذنبى أية ؟ أنا ببقى محتاجة أهتم بإحتياجات ولادى والأكل والشرب والدنيا بقيت صعبة على الناس كلها والفلوس اللى هو بيسبهالى أصرف منها شهر مش بتكفى أصرف منها أسبوع أنا عمرى ما خدت فلوسه صرفتها على نفسى أنا حتى مش فاكرة أمتى آخر مرة جيبت لنفى فيها لبس او جزمة وبالرغم من كدة هو دايماً بيتهمنى أنى مضيعة فلوسه وأيده بتتمد عليا طول الوقت وفاكر أن هو كدة بيأدبنى ".

ضيعت 500 جنية وطردنى من البيت بسببها 

وأختتمت الزوجة حديثها :" جوزى قبل رمضان أدانى 500 جنية أجيب منهم أكل الشهر كله وخدت معايا ولادى ونزلت بيهم السوق وفى الزحمة بفتح شنطتى لقيتهم وقعوا منى فى الشارع غصب عنى فضلت أدور عليهم فى كل حتة وكان جوايا رعب من جوزى أنه يعرف وساعتها بيتى هيتخرب بس لما فقدت الأمل أنى الاقيهم سيبتها على الله ورجعت البيت وكان قبل الفطار بنص ساعة وده كان أول يوم رمضان  ولما عرف أن الفلوس ضاعت منى نزل فيا ضرب ومرحمنيش روحت دخلت أوضتى وقفلت على نفسى بالساعات لحد ما جت الساعة 1 بليل وكنت أتصلت بوالدتى عشان تيجى وتحنن قلبه عليا يمكن يهدا ونتسحر مع بعض راح أول ما شافها قالها " خدى بنتك معاكى ومترجعيهاش هنا تانى دى واحدة مش مسئولة منها لله نكدت عليا فى أول يوم رمضان وضيعت فلوس كانت هتكفينا شهر " وعشان والدتى ست كبيرة مقدرتش تاخد معاه حق ولا باطل بس أنا جيت المحكمة عشان أستنجد بالقانون وأتطلق من جوزى وأرجع شقتى وأخد عيالى ".