غيرانة انه هيتجوز.. زوج في دعوى نشوز: مراتى بعتت رسالة لجوزها الأولانى عشان ترجع له

كنت فاكرها بتحبنى وطلعت متجوزانى عشان تنتقم من طليقها .. بتلك الكلمات روى زوج لتحيا مصر من داخل محكمة الأسرة عن زوجته التى أوهمته بحبها وأكتشف بعد ذلك أنها لم تنسى زوجها الأول حين أشتعل قلبها بالغيرة بعدما علمت أنه سيتزوج من صديقتها ومن هنا بدأت المشاكل بينهما ورغبتها فى الأنفصاله منه لتعود لزوجها الأول .

مأساة زوجة: جوزى بيشتمنى بأهلى وبيقولى أنتى ولا حاجة من غيرى

أهل زوج عشيقته.. ثلاثيني يقفز من الرابع أثناء علاقة حرام مع عشرينية في الدقهلية

أتعرفت عليها لما طلبت تشتغل عندى فى العيادة 

بدأ الزوج حديثه لتحيا مصر :" أتعرفت على مراتى لما جت تشتغل عندى فى العيادة أنا دكتور أنف وأذن ومراتى لما أتعرفت عليها كانت بتقدم على شغل عندى فى مكتب الأستقبال الخاص بالعيانين والحجوزات وكنت عارف أنها عندها بنت عمرها 16 سنة وبتقعد عند والدها شوية وعند والدتها شوية بعد ما أنفصلوا عن بعض بسبب خلافات وعدم تفاهم بينهم وأنا فى الفترة اللى هى أشتغلتها معايا أعجبت بيها وحبيتها وهى كمان كنت حاسس بقبول من ناحيتها وعدا 6 شهور وفاتحتها فى موضوع الجواز ولقيتها موافقة وكنت أنا ساعتها طاير من الفرحة ".

غيرتلها حياتها ورجعتلها الفرحة من تانى 

وتابع الزوج حديثه :" بعد ما اتجوزتها غيرتلها حياتها ورجعتلها الفرحة من تانى كانت متدمرة نفسياً بسبب طلاقها وخصوصاً أنها بعد ما اتجوزتنى طليقها قرر ياخد منها البنت وقالها " البنت كبرت ومش هعيشها مع راجل غريب تدخليه عليها أنا أبوها وأولى بتربيتها " لكن أنا فضلت جنبها وكنت محتويها وبسددلها كل أحتاياجاتها وبالفعل بدأت تتغير للأحسن وبدأ يبقى عندها تفائل للحياة من تانى وكانت دايماً بتقولى " أنا لما عرفتك نسيت اي راجل دخل حياتى قبلك " وأنا كنت بفرح جداً بكلامها وصدقته وأكتشفت بعد كدة أنى كنت مغفل وأنها قدرت تلعب الدور عليا صح ".

رجعت تكلم جوزها الأولانى لما عرفت أنه هيتجوز صاحبتها 

وأختتم الزوج حديثه :" بعد كل الخير اللى عملته مع مراتى أكتشفت بعد سنة واحدة من جوازى منها أنها رجعت تكلم جوزها الأولانى وشوفت رسايل بينهم على تليفونها اللى كانت عملاله رقم سرى وفكرانى معرفوش بس أنا كنت حافظه كويس وكاتباله فى الرسالة دى " أنا عرفت من بنتك أنك هتتجوز صاحبتى وعشرة عمرى اللى عرفتكم على بعض أنت وهى بنفسى بس أنا عايزة أرجعلك ومش قادرة أنساك وعارفة أنك فكرت فى الجواز لما لقيتنى اتجوزت أنا كمان بس أنا مستعدة أتطلق منه لو وافقت تدى لعلاقتنا فرصة وكله لمصلحة بنتنا فى الآخر " راح هو قالها " أنتى ست مش كويسة عشان بتكلمينى وأنتى على ذمة راجل تانى أنا هعملك حظر من كل حاجة وأياكى تحاولى تكلمينى تانى " دخلت على مراتى وأديتها علقة موت راحت لمت هدومها وسابتلى البيت ورجعت على بيت أهلها وأنا قررت أرفع عليها دعوى نشوز عشان تبقى وصمة عار فى حياتها بعد كدة ".