ريهام عبد الغفور: مقتنعة بدوري في أزمة منتصف العمر وشغلانتنا متعبة للأعصاب

حلت الفنانة ريهام عبد الغفور ضيفة على برنامج “مساء dmc"، الذي تقدمه الإعلامية إيمان الحصري، وذلك للكشف عن تفاصيل نجاحاتها في مسلسل الأصلي وبعض الأسرار في حياتها الشخصية.

تحيا مصر يرصد في ذلك التقرير تصريحات ريهام عبد الغفور في مساء dmc

ريهام عبد الغفور: بحب دايما أفاجئ جمهوري وربنا كرمني بأعمالي المختلفة

قالت ريهام عبد الغفور خلال البرنامج: “فاطمة الأصلي مش شريرة هي قوية وشايفة انها هي الصح ورأيها هو كل حاجة، بس هدفها كويس لكن هي بتتصرف تصرفات غلط، وهي عنيدة”

وتابعت متحدثة عن وقت خروجها من دور الفتاة البريئة الهادئة: “من 2010 وأنا بعمل حاجة مختلفة عن الهادية والرقيقة، والناس كانت بتعمل كوميك على دوري في الرعب، أنا بحب دايما أفاجيء جمهوري، ولو ربنا كرمني فهي إن عملت كذا حاجة مختلفة عن التانية”.

وأضافت: “انا اشتغلت اكتر من العادي بتاعي، ودي حاجة كانت قلقاني لأن أكيد في ناس زهقت، بس الحمدلله الاختلاف كان نجاح حلو الحمدلله”.

ريهام عبد الغفور: دور فيروز مقتنعة بيه ومن أكتر الأدوار اللي حبيتها

وعن دورها في أزمة منتصف العمر، قالت ريهام عبد الغفور: “مبعملش حاجة غير وأنا مقتنعة بيها، ودور فيروز مقتنعة بيه جدا وبحبه جدا وعارفة أنا بعمل ايه كويس وكنت عارفة ان بقدم حاجة شخصيات غلطت وبعدها حياتهم اتدمرت، ولازم تفكري كويس في تصرفاتك وفيروز من أكتر الأدوار اللي حبيتها”.

وتابعت: “أنا راضية عن نفسي جدا وعن أعمالي، بخاف كل مرة لأن كل ما الناس بتعجب بحاجة بحس بمسؤولية أكتر وبحس اني مش عايزة اخذلهم فبفكر وبحاول وببقى مخوضة أكتر، هي شغلانة متعبة للأعصاب شوية بس بحاول وبعمل اللي بقدر عليه، ولو لقيت دور شبه حاجة عملتها برفضها عشان ببقى عايزة أعمل حاجة جديدة”.

مسلسل الأصلي لـ ريهام عبد الغفور

جدير بالذكر، أن مسلسل الأصلي من بطولة ريهام عبد الغفور، إيناس كامل، اسلام جمال، إيهاب فهمى، تامر نبيل، أحمد الشامي، شاهيستا سعد، يوسف عثمان، سارة نور، جلا هشام، أشرف زكي، فتوح أحمد، كريم عبد الخالق، أيمن الشيوي، أحمد والي، أحمد عبد الحميد، طه خليفه، محمد درويش، ولاء الشريف، أحمد كشك، ميدو ماهر وعدد آخر من الفنانين.