زوج للقاضى: بعد ما جابتلى الولد بتقولى انا لسة مش متأكدة من مشاعرى

مراتى موافقتش تخلف منى غير لما أشتكيتها لأهلها أنها مانعة نفسها عنى... بتلك الكلمات روى زوج لتحيا مصر من داخل محكمة الأسرة عن زوجتها التى تشعره دائماً بأنه كالغريب وأنها غصبت على الزواج منه مما جعلها تتمنع من العلاقة الزوجية بينهما كما وصل بها الأمر أيضاً إلى أخذ حبوب لمنع الحمل حتى كشف أمرها الزوج وأشتكاها لأسرتها فأنجبت منه طفلاً بالإجبار .  

شاهدها عارية في أحضان عشيقها.. تعويض زوج بـ 100 ألف جنيه|حيثيات

غيرانة انه هيتجوز.. زوج في دعوى نشوز: مراتى بعتت رسالة لجوزها الأولانى عشان ترجع له

أنا ومراتى قرايب وأهلنا وفقونا لبعض 

بدأ الزوج حديثه لتحيا مصر :" أنا ومراتى متجوزين من سنتين وعندنا طفل مراتى تبقى بنت عمى وصغيرة فى السن عندها 19 سنة بس أنا بحبها من صغرها لكن هى طبعها صعب وبتحب الحرية والرفاهية من زمان وأهلها هما اللى دايماً بيحجموها خصوصاً أنها جميلة وملفتة وعشان كدة جوزوها بدرى ولحد من قرايبها عشان يطمنوا عليها من اى أذى هى ممكن تتعرضله من الغريب ".

أفتكرتها هتحبنى بعد الجواز 

وتابع الزوج :" مراتى لما أهلها عرضوا عليها تقعد معايا عشان نتعرف على بعض أكتر قبل الجواز كانت رافضة وقالتلهم أنها لسة صغيرة ومش عايزة تتجوز واحد قريبها لكن الكلمة فى الآخر كانت كلمة أهلها وأنا على قد ما أقدر كنت بحاول أحببها فيا وأقربها منى وكنت فاكر كمان أن بعد الجواز هى هتحبنى لوحدها بالعشرة والمعاملة الطيبة لكن كل ده محصلش وعيشت معاها سنتين كانوا من اسوأ سنين حياتى ".

كانت بتمنع نفسها عنى ولو غصبتها بتاخد حبوب 

وأختتم الزوج حديثه :" مراتى بعد الجواز ومن ليلة الدخلة وهى بتمنع نفسها عنى ومش عايزانى المسها ولا أقرب منها لحد ما أضطريت أمد أيدى عليها وأضربها ولما غصبتها بدأت توافق وتمت بينا العلاقة واتفاجئت بعد فترة أنها بتاخد حبوب منع الحمل روحت خدت الحبوب دى ووديتها عند بيت أهلها وأشتكيتها ليهم وهما أدبوها ورجعوها بيتها تانى وبطلت تاخد الحبوب دى وربنا رزقنا بطفل لكن فرحتى مكملتش ولقيتها بتطلب الطلاق وبتقولى " أنا كل حاجة عايشاها معاك بالغصب ومش حاسة أنى متأكدة من مشاعرى ناحيتك فخلى كل واحد يروح لحاله أحسن " كنت مصدوم وقتها ومش مستوعب أن اللى أستحملت معاها وعشانها كل ده وخلاص بقيت أم أبنى عايزة تبيعنى بالسهولة دى لكن أنا كنت جيبت اخرى منها وطلقتها فعلاً وهى دلوقتى بتطالبنى بحقوقها فى المحاكم فى الشقة ونفقة الولد ومن ساعتها وأنا بسأل نفسى مين فينا اللى غلطان ؟ أنا اللى سمحت لنفسى اتجوز واحدة مش بتحبنى ولا هى اللى باعتنى ومقدرتش الحب اللى حبتهولها ؟ بس خلاص كل ده فات آوانه وحقى وعوضى عند ربنا ".