«علشان الناس تطمن».. الرئيس السيسي: وضعنا سعر ضمان لـ4 محاصيل و ربطناه بالسعر العالمي.. و يؤكد: نسابق الزمن لإدخال مشروعات استصلاح أراضي الخدمة بمساحة 3.5 مليون فدان

شهد الرئيس عبد الفتاح السيسي، اليوم، افتتاح مجمع مصانع الأسمدة الأزوتية بالعين السخنة.

وخلال الافتتتاح، قال الرئيس عبدالفتاح السيسي، أن القيمة المضافة للغاز الطبيعى أفضل من بيعه بطريقة مباشرة.. الغاز الطبيعي أفضل استخدام ليه مش إنك تبيعه، علشان يدخل فى الصناعة ويعمل قيمة مضافة،  واحنا لما خدنا قرار إنتاج الأسمدة الأزوتية خدنا 4 سنين علشان نفتتح المصانع دى بالاشتراك مع الشركات الأفضل فى العالم.

افتتاح مجمع مصانع الأسمدة الأزوتية 

و تابع الرئيس السيسي: ضغطنا فى التوقيت حتى ننجز المهمة في أسرع وقت..  فيه ناس بتقول انتوا ليه مش مهتمين بالصناعة، علشان هناخد وقت وتكلفة كبيرة، تكلفة المجمع دا 800 مليون دولار  ودا رقم كبير علشان تعمل مصانع تحقق بيها حاجاتك، لازم ننتبه إحنا كان عندنا أولويات.

 و استكمل الرئيس السيسي: 3.5 مليون فدان بنسابق الزمن علشان يدخلوا الخدمة في أسرع وقت.. الـ 3.5 مليون فدان، متسائلا: هل مصر خلال 40 سنة فاتت عملت برنامج لـ 3.5 مليون فدان؟.

إعلان أسعار ضمان لـ 4 محاصيل زراعية

كما أكد الرئيس عبد الفتاح السيسي، أن الحكومة اتفقت على إعلان أسعار ضمان لـ 4 محاصيل زراعية، معقبا: "احنا كحكومة اتفقنا على أننا نعمل إعلان أسعار ضمان لـ 4 سلع، و هي القمح والذرة والفول الصويا وعباد الشمس،  علشان أطمن الناس".

و أضاف الرئيس السيسي: الضمان يعني الحد الأدنى للدفع لو السعر العالمي أكثر هندفع أكثر.. يعني لو القمح تعاقدنا على رقم.. ده الحد الأدنى، طيب لو زاد القمح هنشتري بالسعر وقت الحصاد.

 وتابع الرئيس السيسي: بقول للفلاحين ، الأرض اللى معاكم غالية جدا جدا استفيدوا منها بدل التعدي عليها، دول العالم كلها  عندها مشكلة في الإنتاج الزراعي والطلب بيزيد علشان النمو السكاني، علشان كدا عايزكم تخلوا بالكم.

 رحلات لطلبة المدارس والجامعات للمشروعات التي تشيدها الدولة

و طالب الرئيس السيسي، الحكومة والقوات المسلحة  بعمل رحلات لطلبة المدارس والجامعات للمشروعات التي تشيدها الدولة، معقبا:" عاوز أقول للناس في مصر وللشباب شوفوا اللى بيتعمل بإدين إخواتكم على مساحة مصر بالكامل، بنتكلم على حجم هائل لما تشوفوه هتطمنوا ومش هنسمح لحد يعبث بعقول شبابنا".

وتابع الرئيس السيسي خلال افتتاح مجمع الأسمدة الأزوتية في العين السخنة :"أخدوا طلبة جامعة اسوان ودوهم توشكى ..وقالوا دي حاجتكم ولا بتاع حد تاني؟..قلنا دي حاجتنا".