مي سليم: فكرت اتجوز للمرة التالتة.. ونفسي أخلف تاني

تحدثت الفنانة مي سليم عن تفاصيل حياتها العاطفية في الفترة الحالية، وذلك خلال حوارها اليوم ببرنامج “واحد من الناس”، مع الإعلامي عمرو الليثي.

تحيا مصر يرصد تفاصيل تصريحات مي سليم مع عمرو الليثي

حيث قالت مي: “فكرت اتجوز للمرة التالتة، مش قافلة الباب، يعني فيه ناس يقولوا اللي عملها مرة ميعملهاش تاني، أنا شخص بيتوتي جدًا، وبحب الأسرة أوي، وبحب يكون معايا حد شريك حياتي يكمل معايا حياتي”.

حياة مي سليم العاطفية

وتابعت: “الفكرة موجودة، وأول ما ابن الحلال يظهر هتلاقوني على طول.. أول جوازة استمرت لمدة سنتين أو سنة ونص، والتانية 10 أيام، والـ 10 أيام كتير وقليلين في نفس الوقت، واحنا الاتنين اخدنا قرار كنا متسرعين فيه”.

واضافت: “كان نفسي يكون لبنتي لي لي أخ، وليه لا، ونفسي أخلف تاني، وأنا وبنتي صحاب جدًا جدًا، والمرة الجاية لو فكرت اتجوز أكيد هيكون احنا الاتنين بناخد القرار مع بعض، ومفيش حاجة قريب”.

مي سليم والتليفونات

وفي الحلقة نفسها، كشفت دانا حمدان أمر غريب عن شقيقتها مي، فقالت: “مي مجنونة تليفونات، ولغاية دلوقتي، بتشتري تليفونات وتخليها عندها”.

وأكدت مي على كلامها قائلة: “عمري ما امسك تليفون وأرميه، عندي مكان مخصص لما لا يقل عن 50 تليفون، من أول ما مسكت تليفونات، وأي تليفون مسكته معايا لغاية دلوقتي”.

أخر أعمال مي سليم

وكانت أخر أعمال الفنانة مي سليم طرح أغنية “احنا كبنات”، من كلمات محمد مصطفى ملك، ألحان: محمود أنور، وتوزيع: محمد مجدي، التي حقتت نجاحات ليست بالقليلة منذ طرحها على موقع الفيديوهات الشهير يوتيوب، وتقول كلمات الأغنية: إحنا كبنات عارفين الدخلة الاولى كلها طيبة ورجولة ومحدش غيري هيحاسب فتقولي دة شخص مناسب".

“هو فيه ناس كدة معقولة تدبسي فيه يظهرلك بعض حقايق تبتدي بمزاجي مش رايق يعملك فيها مجنون وفلوسي خلصت مديون دلوقتي انتي المسئولة، فتشيلي الشيلة والحجة بقيتي م العيلة تتخلي ازاي اصيلة لازم تلبسي البسي في الحيط احنا يا بنات مضحوك والله علينا واقل حاجة بترضينا نتصالح لو حصل ايه لو وردة بربع جنيه يحلو الكون في عنينا وهنعمل ايه يعني في صنف الرجالة في الكدب دماغه شغالة ياما شوفنا معاه اسافين في الاخر يعمل مسكين وبيصعب برضو علينا”.