مي سليم: مكنتش شاطرة في المذاكرة.. وصاحبت ولاد أكتر من البنات

أكدت الفنانة مي سليم على أنها كانت غير نجيبة في الدراسة، وذلك خلال حوارها اليوم ببرنامج “واحد من الناس”، مع الإعلامي عمرو الليثي.

تحيا مصر يرصد تفاصيل تصريحات مي سليم مع عمرو الليثي

حيث قالت مي: “مكونتش أشطر حاجة، ومكنتش بحب المذاكرة خالص، ولغاية دلوقتي لو رجع بيا الزمن بردو مش هحب المذاكرة”.

مي سليم والتليفونات

وفي الحلقة نفسها، كشفت دانا حمدان أمر غريب عن شقيقتها مي، فقالت: “مي مجنونة تليفونات، ولغاية دلوقتي، بتشتري تليفونات وتخليها عندها”.

وأكدت مي على كلامها قائلة: “عمري ما امسك تليفون وأرميه، عندي مكان مخصص لما لا يقل عن 50 تليفون، من أول ما مسكت تليفونات، وأي تليفون مسكته معايا لغاية دلوقتي”.

علاقة مي سليم بالدراسة

وقالت ميس حمدان في نفس السياق: "مي كانت بتحب تتعاكس، والولاد كانوا بيكلموها في التليفونات ويعملوا نفسهم بنات.

كما أوضحت مي أنها كانت تفضل صداقة الأولاد عن البنات، فقالت: “صحابي أيام المدرسة الولاد كانوا أكتر من البنات عشان كنت قريبة منهم وبثق فيهم أكتر من البنات، وأنا كنت بحاول أثبت أني البنت المسترجلة”.

أما ميس حمدان فأشارت إلى أنها عكس مي سليم في الدراسة، فقالت: "أنا كنت فعلا شاطرة، مكنتش بعمل حاجة في حياتي غير أني بذاكر وأنام بدري وأصحى أروح المدرسة، كنت ملتزمة وندمانة، وكان نفسي أبقى زي مي، وكنت شاطرة في كل حاجة".

مي سليم تتألق في “دنيا تانية”

ويذكر أن الفنانة مي سليم تألقت من خلال دورها في مسلسل “دنيا تانية” الذي تم عرضه على شاشات التلفزيون في السباق الرمضاني لعام 2022، وكانت تدور أحداثه في إطار درامي تشويقي، تتعرض مديرة مدرسة تدعى دنيا سالم لصدمة بعد غرق ابنها، وفقدان ابنها الثاني النطق بسبب صدمة وفاة أخيه، فتتهم زوجها حسام وتسعى لخلعه بعد اكتشافها خيانته لها مع أختها.

وشارك في بطولة المسلسل عدد كبير من النجوم والنجمات، منهم: ليلى علوي، وفاء صادق، أشرف زكي، مجدي كامل، مي سليم، فراس سعيد، ولاء الشريف، شريف عمر، سمر جابر، ليلى عز العرب، نورهان، عمر أبو النجا، وغيرهم، والمسلسل من إخراج أحمد عبد العال.