جوزى بيحب يصور العلاقة الزوجية وبيقولي عشان نخليها للذكرى.. مأساة زوجة

جوزي بيحب يصور اللحظات الخاصة بيننا وبيقولى مش هوريها لحد دي عشاني أنا ... بتلك الكلمات روت زوجة لتحيا مصر من داخل محكمة الأسرة عن زوجها الذى يرغب في تصور اللحظات الحميمة بينهما مما يشهر الزوجة بالخوف وعدم الآمان مع زوجها . 

جوزي بيسافر ويسيبني كتير 

بدأت الزوجة حديثها لتحيا مصر : أنا وجوزي متجوزين من 11 سنة وعندنا ولدين جوزي شغال في فندق في الغردقة وطبيعة شغله بتفرض عليه يسافر ويسيبني كتير لدرجة أني ممكن مشوفهوش غير 3 أيام بس علي مدار شهر كامل وده بيخليني أحنله وأفتقده وهو نفس الكلام بيحسه ناحيتى لكن للأسف طريقة تعبيره لده خربلي بيتي وحرمني من الآمان معاه ". 

بيصور اللحظات الحميمة بينا فيديو 

وتابعت الزوجة :" جوزي في آخر سنتين بقى بيطلب مني طلبات غريبة زي أني أصورله نفسى وأنا من غير هدوم ووأنا بستحمي ووأنا لابسة قميص نوم ونايمة ولما كنت برفض طلبه كان بيرد عليا ويقولي " أنا بطلب ده عشان بحبك وعشان حواليا ستات حلوة كتير بس مقدرش أخونك عشان كدة عايز احس أن أكنك معايا بالظبط " وده اللي كان بيخليني اوافق لكن لما بقى بييجي أجازات الموضوع أتطور وبقي بيطلب مني نصور كمان العلاقة بيننا علي السرير وبيقولي " دي عشاني أنا لما تبقي بعيدة عني وأطمني محدش هيشوفها غيري " وبالتالي كمان وافقت لحد ما الخوف بدأ يدخل قلبى بسبب تهديداته اللي بيدخلها في الهزار وتحذيرات صحابى ليا ". 

«مراتي عايزة تسافر شهر تتفسح مع صاحباتها في الساحل وتسيبلي العيال».. مأساة زوح

بيغيظ صحابه بيا.. زوجة للقاضي: جوزي بيحكي عن العلاقة بينا لصحابه الرجالة عشان يغيروا منه

بقيت بخاف من جوزي 

واختتمت الزوجة حديثها :" جوزي في الفترة الأخيرة بقينا كل ما نتخانق وأقوله هطلب الطلاق زي ما بقولهاله دايماً فى لحظة غضب بلاقيه يرد عليا ويقولي "طلاق أية ده أنتي كل صورك وفيدوهاتك معايا " وبعد ما نهدا ونتصالح يقولي " أنا كنت بهزر وأكيد مقدرش أعمل كدة فيكي ده أنتي أم عيالي " لكن خلاص قلبي مبقاش مطمن وبقيت خايفة طول الوقت وخصوصاً أن في ستات أعرفها قريبين مني ولما حكيتلهم الموضوع حذروني منه وقالولي ده ممكن يبقي بيصورك عشان يمسكها عليكي ذلة لما يقلب عليكي ويفضحك في كل حتة والنوعية اللي تعمل كدة ملهاش آمان وده اللي خلاني ارفع علي جوزى دعوى خلع عشان مبقيتش حاسة معاه بالآمان ولا علي عيالي ".