«مراتي عايزة تسافر شهر تتفسح مع صاحباتها في الساحل وتسيبلي العيال».. مأساة زوح

مراتي بتحب الخروج والسفر أكتر ما بتحب عيالها .. بتلك الكلمات روى زوج لتحيا مصر من داخل محكمة الأسرة عن زوجته التي تتسم بالرفاهية الشديدة قبل الزواج وحتي بعد أن أصبحت أم لثلالثة أطفال ليتعمد الزوج أن يرفض لها مطالبها ليعلمها كيف تكون زوجة مسؤولة فقررت هي بدورها رفع عليه دعوى خلع بمحكمة الأسرة بحجة أنها تعيش معه في سجن ولا تستطيع الأستمتاع بحياتها. 

مراتى مبتحبش المسؤولية من يوم ما عرفتها 

بدأ الزوج حديثه لتحيا مصر : "أنا ومراتي متجوزين من 7 سنين وعندنا ولدين وبنت مراتي من أيام الخطوبة وهي مبتحبش تلزم نفسها في شئ وأهلها كانوا دايما بيختلفوا معاها بسبب أنها طول الوقت خروج وفسح ومكنتش مهتمة بمستواها الدراسي أيام الجامعة ولا كانت بتساعد والدتها في شغل البيت بس أنا عشان حبيتها كنت فاكرها كدة عشان لسة بنت وبعد الجواز والخلفة هتتغير للأحسن".

لما بطلب منها تهتم بالبيت بتقولي أنا مش شغالة خدامة

وتابع الزوج حديثه :" مراتي بعد الجواز كانت كل مشاكلنا علي أني سايبها في البيت لوحدها هي والعيال عشان مشغول في شغلي طول الوقت وهي عايزة تخرج وتتفسح كنت بخرجها يومين في الأسبوع وده خارج عن قدرتي المادية وبرضه مكنش مكفيها وبتتخانق معايا طول الوقت وكانت عشان تعند معايا تهمل في نضافة البيت وتربية الولاد والطبيخ ولما ازعقلها تقولي" هو أنت متجوز خدامة عايزها تعملك اللي أنت عايزه وهي مش مهم نفسها في أية ؟". 

بيغيظ صحابه بيا.. زوجة للقاضي: جوزي بيحكي عن العلاقة بينا لصحابه الرجالة عشان يغيروا منه

«اشتغلت سواقة عشان اساعاد جوزي وفي الآخر طلقني».. مأساة زوجة

صاحباتها الستات خربوا بيتنا 

واختتم الزوج: "مراتي لما بدأت تحس أني مش بلبيلها كل طلباتها قربت من ستات كانوا صاحباتها أيام الدراسة وبقوا أمهات دلوقتي زيها لكن هما مستواهم المادي عالي زيادة عن اللزوم وعايشين حياتهم وسايبين ولادهم لمربية ترعاهم وقرروا في مرة أنهم يسافروا الساحل كلهم شهر ويسيبوا عيالهم مع المربيات بتوعهم او حد من أهاليهم  ومراتي طبعاً رحبت بالفكرة وجت طلبت مني أنها تسافر معاهم وتسيبلي العيال شهر وكانت فكراني راجل معنديش كرامة ولا نخوة وهسيب مراتي برة البيت كل المدة دي خدت منها التليفون ومفاتيح البيت ومنعتها من النزول لمدة أسبوع تشوف أحتياجات البيت والعيال وبس ودلوقتي هي عاشت دور أنها متجوزة راجل حابسها طول الوقت ومش بيهتم بيها ورفعت عليا في المحكمة دعوى خلع وبرضه كانت بشورة صاحباتها لما شجعوها وقالولها " اخلعيه واتجوزي واحد يخليكي تعيشي حياتك أنتي لسة صغيرة " حسبي الله ونعم الوكيل في كل الستات دي اللي افتكروا أنهم بينصحوها وفي الآخر خربوا بيتها".