سمية الخشاب توجه نصائح للشباب: اتجوز وأنت عندك 40 سنة والجواز مش إنجاز

وجهت الفنانة سمية الخشاب نصائح إلى الشباب، وذلك بشأن الزواج وكيفية اختيار شريك الحياة المناسب، كما كشفت عن السن المناسب للزواج.

تحيا مصر يرصد لكم نصائح سمية الخشاب للشباب

وقامت سمية الخشاب بالرد على جمهورها عبر حسابه بموقع التديونات القصيرة تويتر، ووجهت لهم العديد من النصائح بشأن الزواج، كما كشفت عن طريقتها في الموف أون وقالت:عملت موف أون في أسبوع غيرت ستايل شعري وعملت ضوافري وبقيت إنسانة جديدة.

وجاءت نصائح سمية الخشاب كالآتي:

-اي حد في الحياه هدفه الارتباط او شاغل جزء من تفكيره اعرفوا انه مفيش امل فيه، حرق اكسجين على الفاضي.

-اي انسان هدفه الجواز اعرفوا انه الـ iq بتاعه قشر لب.

-الست اللي سبق لها الزواج لا يعيبها اي شي بالعكس بتبقي اكثر خبره في الحياه فياريت بلاش نمشي على التقاليد الخايبه دي احنا ف ٢٠٢٣، هو صاحب القرار مش أهله.

-أتجوز وأنت عندك ٤٠ سنة، تكون عملت فلوس كويسه تعيش أولادك ومراتك في مستوى كويس بدل ما تتجوز بدري وتخلف ٣ او ٤ ويطلعوا صايعين ويبقوا عاله على المجتمع.

-اتجوز وانت عندك ٢٥ ووريني ازاي هتربي وهتعلم وهتصرف على مراتك وعيالك، اهو التفكير اللي زي ده اللي بيسبب الأزمات الاقتصادية، فاكرين الجواز إنجاز.

نصائح سمية الخشاب لجمهورها

 ودائمًا ما توجه الفنانة سمية الخشاب نصائح لجمهورها عبر حسابها بموقع التدوينات القصيرة تويتر، حيث وجهت نصيحة للبنات بعدم أرسال صورهم لأي شخص وقالت: متبعتوش أي صور خاصة لأي بني أدم أيا كان مدى القرب ايه، قالك أنا هتجوزك أو اقنعك إنكم في علاقة متثقوش في حد بتبقى أول حاجة بتتمسك ضدكم عشان ملاحظه اليومين دول في عبث بيحصل والناس عماله تبعتلي انهم متهددين وانه بيبقي ابتزاز والكلام ده.

سمية الخشاب: السجاير مش شبحنة وياريت تبطلوا تدخين

كما طالبت من الشباب الاقلاع عن التدخين وقالت سمية الخشاب: حبايبي انا كل ما اخرج اروح مكان الاقي شباب اندر ايدج بيشربوا سجاير وكانه عادي، السجاير مش شبحنة خالص وياريت المدخنين اللي مش عارفين يبطلوا يلجئوا للheated tobacco لحد ما يبطلوا خطوهة بخطوة.