علا غانم تبكي على الهواء: زوجي احتل بيتي وقاعد فيه مع الناس اللي رموا عليا مولوتوف

خرجت الفنانة علا غانم لتكشف تفاصيل واقعة تعدي زوجها عليها رفقة بعد الأشخاص الأخرين لـ الاستيلاء على جزء من منزلها، وذلك خلال مداخلة هاتفية مع الإعلامي عمرو أديب في برنامج الحكاية.

تحيا مصر يرصد في ذلك التقرير تصريحات علا غانم مع عمرو أديب

علا غانم: دخلوا عليا بلطجية كانوا هيموتوني وكله بسبب زوجي

روت علا غانم تفاصيل الأزمة التي تعرضت لها على يد زوجها عبد العزيز لبيب من البداية، فقالت: يوم الجمعة بعد الصلاة لقيت أحد الغفراء بيقولي انه فيه ناس جاية وكانت عربيات عليها ناس كتير وبيقول ان اللي جايين بيقولو انهم تبعي، وأنا ما أعرفش ولا واحد فيهم.

وتابع علا غانم حديثها: كانوا بيحاولو يقتحموا البوابة عشان يدخلوا الناس و20 بني أدم رجالة وستات كانو كتير جدا، وكل أما أدخل مع حد بيضربوني ويكتموني، وضربوا الغفرا بتوعي بالشوم، وأمي اعتدوا عليها.

وأضافت: الست كانت حاطة وشي في صدرها عشان مطلعش صوت وأما واحد حس إني قربت أموت قالولها كفايا كدة، وكانوا بيمسكوني من الروب ويرموني على الأرض.

علا غانم: زوجي قال إن أنا اللي نطيت من على السور واقتحمت البيت اللي هو بتاعي

وأضافت: أما روحنا القسم زوجي قال إن البيت بتاعه وهي اللي نطيت من السور واقتحمته، والبيت بتاعي أنا من زمان من قبل ما اتجوزه، وقالولي في القسم يا تتصاحلي وتخليه يعيش في نص البيت يا إما هتفضلي معنا إنتي ومامتك في القسم وأنا رفضت.

وتابعت: كان مستنيني في بيتي وأول ما عرف إني جاية قعد يقول متضربوش عليها نار كان فاكرني جاية لوحدي وضرب الغفرا بتوعي كلهم.

واختتمت علا غانم حديثها، قائلة: جوزي قاعد في بيتي دلوقتي مع الناس اللي رموا عليا مولتوف.

زوج علا غانم يكذب تصريحاته

جدير بالذكر، أنه سبق وكذب زوج علا غانم تصريحاتها، فقال: “أنا جيت على الفيلا وكان فيه بلطجية موجودين جوا الفيلا وأنا دلوقتي متكسر عندي قطع في ايدي 6 سم.. أنا اتضربت واتكسرت من البلطجية اللي هي حطاهم ومن علا بنفسها، وهي كانت مش في طبيعتها وضربتني بإزازة نبيت في عيني ووالدتها ضربتي بحديدة على ايدي والبلطجية شالوني ورموني على الببان وقعدوا يجرروا فيا على الأرض”.

وأضاف: “وهي كانت تحت تأثير المخدرات وأنا أتمنى من السادة المحققين أنهم يفحصوا علا غانم النهاردة بالذات، وبقول أنا مضروب ومتكسر وقاعد في الفيلا بتاعتي اللي أنا عايش فيها من 2012، وكل الاتهامات اللي اتهمتني بيها هي غير صحيحة”.