محمد رمضان خلال تكريمه في مهرجان الأقصر: بنقدم شيء هيفضل عايش أكتر من اللي عملوه الفراعنة وهو الفن

أعرب الفنان محمد رمضان عن سعادته بتكريمه بمهرجان الأقصر للسينما الأفريقية في دورته الـ 12، الذي انطلق حفل افتتاحه اليوم السبت.

تحيا مصر يرصد في ذلك التقرير رسالة محمد رمضان خلال تكريمه بمهرجان الأقصر للسينما الأفريقية

محمد رمضان: شرف عظيم ان استلم جايزة من ممثل قدير زي محمود حميدة

وقال محمد رمضان في كلمته خلال تكريمه في حفل افتتاح مهرجان الأقصر للسينما الأفريقية: كل دورة واحنا كلنا بخير وبصحة وسلامة وكل الشكر لـ إدراة مهرجان الأقصر والاستاذ محمود حميدة شرف عظيم وجايزة في تاريخي ان استملت جايزة كممثل في يوم من الايام من ممثل قدير زي استاذ محمود حميدة، وسيد فؤاد مؤلف فيلمي القادم، ومجدي أحمد علي مخرج فيلمنا القادم.

محمد رمضان: إحنا بنقدم شيء أفضل من اللي عملوه الفراعنة

وتابع حديثه، قائلا: سعيد بوجودي جدا هنا وكل الشكر لـ أهل الأقصر، وبنحس ان احنا عايزين نحافظ على اللي عملوه جددنا بالأدوات بتاعتنا النهاردة، هما اشتغلوا فن المعمار اللي فضلت عايشة وخالدة هنقدم شيء هيفضل عايش أكتر من اللي عملوه الفراعنة وهو الفن والسينما.

وسبق، وأن قال محمد رمضان في تصريحات تليفيزيونية على هامش تكريمه في المهرجان: “تكريم أنا بعتز بيه جدا في مسيرتي ومشواري.. واستقبال عظيم من أهل الأقصر من امبارح في المطار، وبجد حاسس أني في بيتي، ودي وأول مرة أحضر المهرجان ولكن صورت نسر الصعيد هنا وصورت أكتر من مرة وليا ذكريات كتير هنا، فالأقصر أهلي وبلدي وناسي وأنا سعيد جدا بالتكريم وبتلكك عشان أشوف أهلي في جميع المحافظات”.

محمد رمضان في رمضان 2023

جدير بالذكر، أنه يصور محمد رمضان خلال الفترة الحالية مسلسل "العمدة" من تأليف وإخراج محمد سامى، وشارك في السيناريو والحوار مهاب طارق، بطولة محمد رمضان، وزينة، وهالة صدقي، وإيمان العاصي، ومى كساب، وأحمد داش، وهيدي كريم، وفريدة سيف النصر، وطارق النهري، وطارق الدسوقي، وعدد آخر من الفنانين، وتدور الأحداث في إطار اجتماعي شعبي، ومن المقرر أن يحقق نجاح كبير خلال فترة عرضه في رمضان 2023 بالتعاون مع محمد سامي.