هاني رمزي: معنديش مشكلة أطلع ضيف شرف لزمايلي ووفاة أبويا أكبر مأساة في حياتي

كشف الفنان هاني رمزي عن إمكانية تقديم جزء ثاني من فيلم صعيدي في الجامعة الأمريكية، كما تحدث عن تعلقه بوالده، وبعض الأسرار في حياته الشخصية.

تحيا مصر يرصد لكم تصريحات هاني رمزي

وقال هاني رمزي خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس أنه قام بالتنبأ بنجومية الفنان محمد سعد، وقال: سعد كان زميلي في المعهد وكان صانع كاريكتار في المعهد و أنا بعتبره ممثل قوي، وممكن هو مأثر في حقه وفي اختياراته بس هو  زكي

وعن أمكانية تقديم جزء ثاني من فيلم صعيدي في الجامعة الأمريكية قال هاني: اتمنى ده ونتجمع تاني وكانت أيام حلوة أوي وكان عندنا شغف وطاقة اننا نجح وهيبقى عندنا الإحساس اللي هيرجع بينا ومفيش حد هيرفض.

هاني رمزي: معنديش مشكلة أطلع ضيف شرف لزمايلي

وكشف هاني رمزي: معنديش مانع أطلع ضيف شرف لزميلي في أعمالهم الفنية وبيبقى مجاملة لصحابي، وبتقدمي السبت تلاقي الحد ودي مجاملة

واستكمل: لو دوري في صعيدي في الجامعة الأمريكية صغير عادي والسيناريو لو أصر أن أبقى ضيف شرف مش هيبقى عندي مشكلة .

وتابع: كنت في الفيلم شايف أن أمريكا حلم بس ده العكس تمامًا، وأنا عندي إقامة في أمريكا وشوفت الواقع هي مبهرة وسياحة حلوة بس العيشة صعبة هناك ومصر فيها حاجه حلوة وترابها غالي جدا ومصر ليها سحر خاص رغم أن بتمر عليها ظروف صعبة بس أنا غيرانين عليها طول الوقت.

هاني رمزي: وفاة أبويا أكبر مأساة في حياتي

وكشف هاني رمزي أن أكبر مأساة في حياته هي وفاة والده وقال: أكتر مأساة أثرت في حياتي هي فراق أبويا لأنه السند وأنا محتاجة لغاية دلوقتي في كل لحظة ولما مات مكنتش مصدق والواحد جنب أبوه بيبقى طفل.

وتابع: أبويا كان راجل محامي مشهور وكان مخلص في شغله ومثل أعلى، وقبل ما يموت قالي حملك هيبقى تقيل وربنا معاك ويقويك.

هاني رمزي: أكبر مخاوف في حياتي هو السباق مع الزمن

وكشف هاني رمزي أن أكبر مخاوف حياته هو السباق مع الزمن موضحًا: طول الوقت أعمل حاجات كتير خاصةً في الفن وممكن الزمن يبقى عائق لأن لما بنكبر بنمرض وهيمنعني من تحقيقي أحلامي وده تهديد الطبيعة ليا.

واستكمل: معملتش حساب للزمن وأنا مصرف جدًا ودايمًا اللي في إيدي مش ليا وعمر ما ربنا سابني في لحظة وفي حاجات كتير أنا مستهلهاش وربنا عطائه بزيادة عليا.